ന്യൂയോർക്ക്: ഇന്ത്യയുടെ രോഹൻ ബൊപ്പണ്ണയും ഇന്തോനേഷ്യയുടെ ആൽഡില സത്ജിയാദിയും ചേർന്ന സഖ്യം യു.എസ് ഓപൺ മിക്‌സഡ് ഡബിൾസ് സെമിയിൽ. ക്വാർട്ടർ ഫൈനലില്‍ ബൊപ്പണ്ണ സഖ്യം മാത്യു എപ്റ്റൺ - ബാർബോറ ക്രെജ്‌സിക്കോവ എന്നിവർക്കെതിരെയായിരുന്നു പോരാടിയത്. തുടക്കം മുതൽ മത്സരം കടുത്തതായിരുന്നു. ജയത്തിനായി ഇരു സഖ്യവും ശക്തമായി പോരാടി. എന്നാൽ, ജോയിന്‍റ് ടൈ ബ്രേക്കറിൽ 7-6 എന്ന സ്‌കോറിൽ റോഹൻ ബൊപ്പണ്ണ-ആൽഡില സത്ജിയാദിസഖ്യം ആദ്യ സെറ്റ് സ്വന്തമാക്കി.
തുടർച്ചയായ രണ്ടാം സെറ്റിലും ബൊപ്പണ്ണ സഖ്യം 2-6 എന്ന സ്‌കോറിന് മുന്നിട്ടു. വലിയ പ്രതീക്ഷകൾക്കൊടുവിൽ അവസാന സെറ്റ് നടന്നു. കടുത്ത പോരാട്ടത്തിനൊടുവിൽ ബൊപ്പണ്ണ സഖ്യം വിജയിച്ചു.