ന്യൂഡൽഹി: അൾട്ടിമേറ്റ് ടേബിൾ ടെന്നീസ് തുടങ്ങാൻ ദിവസങ്ങൾ ബാക്കിനിൽക്കെ ജയ്‌പൂർ പാട്രിയറ്റ്‌സ് ടീമിന് വൻ തിരിച്ചടി. സ്ട്രെസ് ഫ്രാക്‌ചർ കാരണം ശ്രീജ അകുല ടൂർണമെന്‍റില്‍ നിന്ന് പുറത്തായി. പാരീസ് ഒളിമ്പിക്‌സിൽ പങ്കെടുത്ത ഇന്ത്യൻ ടീമിന്‍റെ ഭാഗമായിരുന്നു ശ്രീജ.
'എനിക്ക് സ്ട്രെസ് ഫ്രാക്‌ചർ ഉണ്ടെന്ന് അറിയിക്കുന്നതിൽ സങ്കടമുണ്ട്. ഡോക്‌ടറുടെ ഉപദേശപ്രകാരം 6 ആഴ്‌ച വിശ്രമം വേണ്ടിവരും. നിർഭാഗ്യവശാൽ അൾട്ടിമേറ്റ് ടേബിൾ ടെന്നീസില്‍ പങ്കെടുക്കാന്‍ എനിക്ക് കഴിയില്ലെന്ന് സമൂഹമാധ്യമമായ എക്‌സില്‍ താരം കുറിച്ചു. ജയ്‌പൂർ പാട്രിയറ്റ്‌സ് ടീമില്‍ അകുലയ്‌ക്ക് പകരം അണ്ടർ 19 യൂത്ത് നാഷണൽ ചാമ്പ്യയായ നിത്യശ്രീ മണി ഇറങ്ങും.