കോഴിക്കോട്:സൂപ്പര്‍ ലീഗ് കേരള ഫുട്ബോള്‍ ടൂര്‍ണമെന്‍റില്‍ ഇന്ന് കാലിക്കറ്റ് എഫ്‌.സി തൃശൂര്‍ മാജിക്‌ എഫ്‌.സിയെ നേരിടും. കോഴിക്കോട് കോര്‍പറേഷന്‍ ഇംഎംഎസ് സ്റ്റേഡിയത്തില്‍ രാത്രി 7.30 ആണ് മത്സരം. മൂന്നു കളിയില്‍ ഒരു ജയവും രണ്ട് സമനിലയുമായി അഞ്ച് പോയിന്‍റാണ് കാലിക്കറ്റിന്. ഹോം ഗ്രൗണ്ടില്‍ ആദ്യ വിജയം മോഹിച്ചാണ് കാലിക്കറ്റ് ഇന്നിറങ്ങുക.
ഒറ്റ പോയിന്‍റുമായി പട്ടികയില്‍ അവസാനത്താണ് തൃശൂര്‍. ലീഗിലെ ആദ്യ വിജയമാണ് തൃശൂരിന്‍റെ ലക്ഷ്യം. ആദ്യ രണ്ടു കളികളിലും പരാജയം നുണഞ്ഞ തൃശൂര്‍ അവസാന മത്സരത്തില്‍ മലപ്പുറത്തെ സമനിലയില്‍ കുരുക്കിയിരുന്നു. സികെ വിനീതിന്‍റെ നേതൃത്വത്തില്‍ ഇറങ്ങുന്ന ടീമില്‍ മാര്‍സലോയിലും അഭിജിത്തും പ്രതീക്ഷയാണ്. മൂന്നു ഗോളുമായി ഗോള്‍ വേട്ടക്കാരില്‍ മുന്നിലുള്ള ഗനി അഹമ്മദ് നിഗവും നായകന്‍ ജിജോ ജോസഫും കെര്‍വെന്‍സ് ബെല്‍ഫോര്‍ട്ടും കാലിക്കറ്റിന്‍റെ കരുത്തന്മാരാണ്.