കണ്ണൂര്‍:കേരളാ രഞ്ജി ട്രോഫി സീസണിലേക്കുള്ള ടീമില്‍ കണ്ണൂര്‍ തലശേരിയിലെ സല്‍മാന്‍ നിസാര്‍ തെരഞ്ഞെടുക്കപ്പെട്ടു(Salman Nisar From Kannur Selected For Kerala Renji Cricket Team ). ജനുവരി 26 ന് പട്‌നയില്‍ ബീഹാറുമായും ഫെബ്രുവരി 2 ന് റായ്പ്പൂരില്‍ ഛത്തീസ്‌ഗഡുമായും 9 ആം തീയതി തിരുവനന്തപുരത്ത് ബംഗാളുമായും ഫെബ്രുവരി 16 ന് വിസിയ നഗരത്തില്‍ ആന്ധ്രയുമായും കേരളം ഏറ്റുമുട്ടും.
രഞ്ജി ട്രോഫി സീസണ്‍; തലശേരിക്കാരന്‍ സല്‍മാന്‍ നിസാര്‍ കേരള ക്രിക്കറ്റ് ടീമില്‍
സഞ്ജു സാംസണ്‍ നയിക്കുന്ന കേരള ക്രിക്കറ്റ് ടീമില്‍ തലശേരിയില്‍ നിന്നുള്ള ഇടങ്കയ്യന്‍ സല്‍മാന്‍ നിസാര്‍ എത്തിയത് കഠിനാധ്വാനത്തിനൊടുവില്‍.
Salman Nisar From Kannur Selected For Kerala Renji Cricket Team
Published : Jan 23, 2024, 8:13 PM IST
സഞ്ജു സാംസണ്‍ ആണ് കേരളാ ടീമിന്‍റെ ക്യാപ്റ്റന്‍. രോഹന്‍. എസ്. കുന്നുമ്മല്‍ വൈസ് ക്യാപ്റ്റനാണ്. 2018- 2019 സീസണില്‍ ചരിത്രത്തിലാദ്യമായി രഞ്ജി ട്രോഫിയില്‍ സെമി ഫൈനലില്‍ പ്രവേശിച്ച കേരളാ ടീമില്‍ സല്‍മാന്‍ നിസാര്‍ ഉണ്ടായിരുന്നു. തലശ്ശേരി ബി.കെ.55 ക്രിക്കറ്റ് ക്ലബ് താരമായ സല്‍മാന്‍ ഏതാനും വര്‍ഷങ്ങളായി കേരളാ സീനിയര്‍ ടീം അണ്ടര്‍ 23 , അണ്ടര്‍ 19, അണ്ടര്‍ 16 , കേരളാ ടീമിലെ സ്ഥിര സാനിധ്യമാണ്.
സ്ഥിരതയാര്‍ന്ന പ്രകടനമാണ് ഇടം കയ്യന്‍ മധ്യനിര ബാറ്റ്‌സ്‌മാനായ സല്‍മാനെ കേരളാ ടീമില്‍ സ്ഥാനമുറപ്പിക്കാന്‍ സഹായിച്ചത്. തലശ്ശേരി പാലിശ്ശേരി പോലീസ് ക്വാട്ടേഴ്‌സിനടുത്ത് ബൈത്തൂല്‍ നൂറില്‍ മുഹമ്മദ് നിസാറിന്‍റെയും നിലോഫറിന്‍റെയും മകനാണ് സല്‍മാന്‍ നിസാര്‍.