മുംബൈ: ബംഗ്ലാദേശിനെതിരായ ടെസ്റ്റ് പരമ്പരക്ക് ശേഷം ഇടവേളയെടുത്ത് ഇന്ത്യന്‍ ക്യാപ്റ്റൻ രോഹിത് ശർമ്മ. ന്യൂസിലൻഡിനെതിരെ ഉടൻ ആരംഭിക്കുന്ന ടെസ്റ്റ് പരമ്പരയ്ക്കുള്ള തയ്യാറെടുപ്പിലാണ് താരം. അതിനിടെ മുംബൈയിലെ റോഡുകളിൽ തന്‍റെ സൂപ്പര്‍ കാറുമായി പോകുന്ന വീഡിയോ സമൂഹമാധ്യമങ്ങളില്‍ വൈറലായി.
എന്നാൽ യാത്രയ്‌ക്കിടെ കണ്ട തന്‍റെ ആരാധികയ്‌ക്കായി രോഹിത് റോഡില്‍ കാര്‍ നിര്‍ത്തി. ഫോട്ടോയ്‌ക്ക് പോസ് ചെയ്യുകയും ചെയ്‌തു. എന്നാല്‍ ആരാധികയുടെ പിറന്നാൾ ദിനമാണെന്ന് സമീപത്തുള്ളവർ പറഞ്ഞപ്പോൾ രോഹിത് കൈകൊടുത്ത് ജന്മദിനാശംസകൾ നേർന്നു. ഇതോടെ പെൺകുട്ടിയുടെ സന്തോഷം ഇരട്ടിച്ചു.
അതേസമയം ബംഗ്ലാദേശിനെതിരെ ടി20 പരമ്പര കളിക്കുകയാണ് ടീം ഇന്ത്യ. പരമ്പരയിലെ ആദ്യ മത്സരം ജയിച്ച ഇന്ത്യ ഇന്ന് ന്യൂഡൽഹിയിൽ രണ്ടാം മത്സരത്തിനായി ഇറങ്ങും. അവസാന മത്സരം ഒക്ടോബർ 12ന് ഹൈദരാബാദിലെ ഉപ്പൽ സ്റ്റേഡിയത്തില്‍ നടക്കും.