ചെന്നൈ: ബാറ്റര്‍മാരെ പരിഭ്രാന്തരാക്കുന്നതില്‍ ഇന്ത്യയുടെ രവിചന്ദ്രൻ അശ്വിൻ ഏറെ മികവ് പുലര്‍ത്തിയ താരമാണ്. പന്തെറിഞ്ഞ് എതിരാളികളെ ബുദ്ധിമുട്ടിക്കുന്നതില്‍ അശ്വിന് സമര്‍ത്ഥനാണ്. അനിൽ കുംബ്ലെ കഴിഞ്ഞാൽ ഇന്ത്യൻ ടീമിന്‍റെ ഏറ്റവും മികച്ച ബൗളറാണ് അശ്വിൻ. ബാറ്റിംഗിലും മികച്ച പ്രകടനമാണ് താരം നടത്തുന്നത്. ബംഗ്ലാദേശിനെതിരായ ആദ്യ ടെസ്റ്റിൽ അശ്വിൻ സെഞ്ച്വറി (113) നേടി. ജഡേജയ്‌ക്കൊപ്പം, പ്രയാസകരമായ സമയങ്ങളിൽ ടീം ഇന്ത്യയെ പിന്തുണച്ചു. ടെസ്റ്റിലെ സെഞ്ചുറികളുടെ (6) എണ്ണത്തിന്‍റെ കാര്യത്തിൽ അശ്വിന് ധോണിക്കൊപ്പമാണ്. കൂടാതെ, 101 ടെസ്റ്റുകൾ കളിച്ച താരം ഇരുപത്തിയഞ്ച് 50+ സ്‌കോറുകൾ നേടുകയും 30 തവണയിൽ കൂടുതൽ 5 വിക്കറ്റുകൾ നേടുകയും ചെയ്യുന്ന ആദ്യ ക്രിക്കറ്റ് കളിക്കാരനായി (36 തവണ) ചരിത്രം സൃഷ്ടിച്ചു.
1986 സെപ്റ്റംബർ 17ന് തമിഴ്‌നാട്ടിലെ ചെന്നൈയിലാണ് രവിചന്ദ്രൻ അശ്വിൻ ജനിച്ചത്. അടുത്തിടെ ഒരു ഇംഗ്ലീഷ് മാധ്യമത്തിന്‍റെ റിപ്പോര്‍ട്ട് പ്രകാരം രവിചന്ദ്രൻ അശ്വിന്‍റെ സ്വത്ത് 16 മില്യൺ ഡോളറാണ്. ഇന്ത്യൻ രൂപയില്‍ 132 കോടി രൂപ. അശ്വിന് ചെന്നൈയിൽ ആഡംബര വീടും കാറുകളുമുണ്ട്. ഒമ്പത് കോടിയോളം രൂപയാണ് അശ്വിന്‍റെ വീടിന് ചെലവായത്. കൂടാതെ 6 കോടി രൂപ വിലമതിക്കുന്ന റോൾസ് റോയ്‌സും. 93 ലക്ഷം വിലയുള്ള ഓഡി ക്യൂ 7 കാറുണ്ടെന്നാണ് റിപ്പോർട്ട്.