ന്യൂഡൽഹി: ടോക്കിയോ പാരാലിമ്പിക്സിൽ രണ്ട് സ്വർണവും ഒരു വെള്ളിയും ഒരു വെങ്കലവും നേടി മികച്ച പ്രകടനത്തിന് ശേഷം ഇന്ത്യൻ പാരാ ഷൂട്ടിങ് ടീം പാരീസിൽ നടക്കുന്ന പാരാലിമ്പിക്‌സിലേക്ക് യാത്രയായി. 10 പേരടങ്ങുന്ന സംഘമാണ് പാരീസില്‍ ഷൂട്ടിങ്ങില്‍ രാജ്യത്തെ പ്രതിനിധീകരിക്കുക. എല്ലാ കണ്ണുകളും നിലവിലെ പാരാലിമ്പിക്‌സ് സ്വർണമെഡൽ ജേതാക്കളായ അവനി ലേഖറ, മനീഷ് നർവാള്‍ എന്നിവരിലാണ്.
മനീഷ് നർവാൾ, അമീർ അഹമ്മദ് ഭട്ട്, രുദ്രാൻഷ് ഖണ്ഡേൽവാൾ, അവ്‌നി ലേഖര, മോന അഗർവാൾ, റുബീന ഫ്രാൻസിസ്, സ്വരൂപ് മഹാവീർ ഉൻഹാൽക്കർ, സിദ്ധാർത്ഥ് ബാബു, ശ്രീഹർഷ് ദേവ്രാഡ്ഡി, നിഹാൽ സിങ് എന്നിവരാണ് ഷൂട്ടിങ് സംഘം. മത്സരങ്ങൾ ഓഗസ്റ്റ് 30 മുതല്‍ ചാറ്റോറൂ ഷൂട്ടിങ് സെന്‍ററില്‍ ആരംഭിക്കും.