പാരിസ്: ഒളിമ്പിക്‌സ് ഗുസ്‌തിയില്‍ അയോഗ്യയാക്കപ്പെട്ടതിനെ കുറിച്ച് പ്രതികരിച്ച് ഇന്ത്യന്‍ ഗുസ്‌തി താരം വിനേഷ് ഫോഗട്ട്. 'ഇത് കളിയുടെ ഭാഗമാണ്' എന്നാണ് താരം പ്രതികരിച്ചത്. ഒളിമ്പിക്‌സ് ഗുസ്‌തിയിലെ ഫ്രീസ്‌റ്റൈല്‍ 50 കിലോഗ്രാം മത്സരത്തിന്‍റെ ഫൈനലില്‍ നിന്ന് 100 ഗ്രാം ഭാരം കൂടിയതിനെ തുടര്‍ന്ന് താരം അയോഗ്യയാക്കപ്പെട്ടിരുന്നു.
ദേശീയ വനിതാ കോച്ച് വീരേന്ദർ ദാഹിയയും മഞ്ജീത് റാണിയും അയോഗ്യയാക്കപ്പെട്ടതിന് പിന്നാലെ വിനേഷ് ഫോഗട്ടിനെ കണ്ടിരുന്നു. 'ഞങ്ങൾ വിനേഷിനെ കണുകയും ആശ്വസിപ്പിക്കാൻ ശ്രമിക്കുകയും ചെയ്‌തു. അവള്‍ ധൈര്യശാലിയാണ്. മെഡൽ നഷ്‌ടമായത് നിര്‍ഭാഗ്യകരമാണ്, പക്ഷേ അത് മത്സരത്തിൻ്റെ ഭാഗമാണെന്ന് വിനേഷ് ഞങ്ങളോട് പറഞ്ഞു' എന്ന് വിനേഷ് ഫോഗട്ടിനെ കണ്ടതിന് ശേഷം വീരേന്ദർ ദാഹിയ പറഞ്ഞു.