മക്കാവു (ചൈന): മക്കാവു ഓപ്പണില്‍ വനിതാ ഡബിൾസ് സെമിഫൈനലിൽ ഇന്ത്യയുടെ തൃഷ ജോളി-ഗായത്രി ഗോപിചന്ദ് സഖ്യത്തിന് തോൽവി. ആവേശകരമായ മത്സരത്തിൽ ചൈനീസ് തായ്പേയ് ജോഡികളായ ഹ്സീഹ് പെയ് ഷാൻ-ഹങ് എൻ-ജു സഖ്യത്തോടാണ് ഇന്ത്യൻ താരങ്ങള്‍ പരാജയപ്പെട്ടത്.
ലോക 54-ാം നമ്പർ ജോഡിയായ ചൈനീസ് തായ്‌പേയ്‌ക്കെതിരായ മത്സരത്തിൽ 17-21, 21-16, 10-21 എന്ന സ്കോറിനാണ് തോറ്റത്. ലോക 23-ാം നമ്പർ ജോഡികളായ ഇന്ത്യയുടെ തൃഷ-ഗായത്രി സഖ്യം ചൈനീസ് തായ്പേയ് ജോഡിക്കെതിരെ ഈ വർഷത്തെ മൂന്നാം തോൽവിയാണിത്.
മത്സരത്തില്‍ ഹ്‌സിഹും ഹംഗും മികച്ച തുടക്കമാണ് കുറിച്ചത്. 5 പോയിന്‍റുമായി 13-8ന് മുന്നിലായിരുന്നു. എന്നാല്‍ തിരിച്ചുവരവ് നടത്തിയ ഇന്ത്യൻ സഖ്യം സ്‌കോർ 15-15ന് സമനിലയിലാക്കി മിന്നുന്ന പ്രകടനം നടത്തിയ ചൈനീസ് തായ്പേയ് സഖ്യം ആദ്യ സെറ്റ് സ്വന്തമാക്കി.