ഹൈദരാബാദ്: ഇത്തിഹാദ് സ്റ്റേഡിയത്തിൽ മൈക്കൽ അർട്ടെറ്റയുടെ ആഴ്‌സനലുമായി മാഞ്ചസ്റ്റർ സിറ്റി വാളെടുക്കുമ്പോൾ 'സൂപ്പർ സൺഡേ'യിൽ രണ്ട് കൊമ്പന്‍മാരാണ് ഏറ്റുമുട്ടുന്നത്. കളിച്ച നാല് മത്സരങ്ങളിലും ജയിച്ച സിറ്റി ഇതുവരെ തോൽവിയറിയാതെ നിൽക്കുമ്പോള്‍ ആഴ്‌സനൽ മൂന്ന് മത്സരങ്ങൾ ജയിക്കുകയും ഒരു സമനില വഴങ്ങുകയും ചെയ്‌തു.
പ്രതിരോധ നിരയില്‍ ആഴ്‌സനൽ ഡിഫൻഡർമാരായ വില്യം സാലിബയ്ക്കും ഗബ്രിയേൽ മഗൽഹേസിനും എർലിംഗ് ഹാലൻഡിന്‍റെ ഫോം പരിഗണിക്കുമ്പോൾ കടുത്ത ടീമിന് വെല്ലുവിളി നേരിടേണ്ടിവരും. ക്യാപ്റ്റൻ മാർട്ടിൻ ഒഡെഗാർഡ് ഇല്ലാതെ ആഴ്‌സനൽ ഇറങ്ങുന്നത് ടീമിനെ ദോഷകരമായി ബാധിച്ചേക്കാം. ഇതുവരേ ഇരു ടീമുകളും പരസ്‌പരം 50 മത്സരങ്ങളാണ് കളിച്ചത്. ആഴ്‌സനൽ 23 തവണ വിജയിച്ചു. സിറ്റി 17 മത്സരങ്ങളിൽ വിജയിച്ചു. 10 മത്സരങ്ങൾ സമനിലയിൽ അവസാനിച്ചു.