ഹൈദരാബാദ്: ഫുട്ബോൾ താരം ക്രിസ്റ്റ്യാനോ റൊണാൾഡോ സമൂഹമാധ്യമമായ എക്‌സില്‍ പോസ്റ്റ് ചെയ്‌ത ഒരു വീഡിയോയെ ചൊല്ലിയാണ് ആരാധക്കിടയില്‍ ഇപ്പോള്‍ ചര്‍ച്ച. വീഡിയോയിൽ റൊണാൾഡോയുടെ വീടിന്‍റെ ചുമരിൽ ക്രിക്കറ്റ് താരം എം.എസ് ധോണിയുടെ ജേഴ്‌സി 7. ഇത് കണ്ട് റൊണാൾഡോ ധോണിയുടെ ആരാധകനാണോയെന്ന് സമൂഹമാധ്യമങ്ങളില്‍ ആരാധകർക്കിടയില്‍ ആകാംക്ഷയായി.
റൊണാൾഡോയുടെ വീട്ടിൽ ധോണിയുടെ ജേഴ്‌സി എങ്ങനെ?, ധോണി തന്‍റെ ജേഴ്‌സി റൊണാൾഡോയ്ക്ക് സമ്മാനിച്ചോ? നെറ്റിസൺസ് ചോദ്യങ്ങൾ ഉയർത്തിക്കൊണ്ടിരുന്നു. റൊണാൾഡോയുടെ വീഡിയോ സമൂഹമാധ്യമങ്ങളില്‍ വൈറലായിരുന്നു.
എന്നാല്‍ റൊണാൾഡോയുടെ വീട്ടിൽ താരത്തിന്‍റെ കൈവശമുള്ള ഏഴാം നമ്പർ ജേഴ്‌സി ധോണിയുടേതല്ലെന്നാണ് റിപ്പോർട്ട്. കഴിഞ്ഞ 20 വർഷമായി റൊണാൾഡോ ഏഴാം നമ്പർ ജേഴ്‌സിയാണ് ഉപയോഗിക്കുന്നതെന്നതും ശ്രദ്ധേയമാണ്. സഊദി ക്ലബായ അൽ-നസറുമായി കരാർ ഒപ്പിട്ട ശേഷവും റൊണാൾഡോ 7-ാം നമ്പർ ജേഴ്‌സി ധരിക്കുന്നത് തുടരുന്നു. വീഡിയോയിൽ പിന്നിലുള്ള ഏഴാം നമ്പർ ജേഴ്‌സി അൽ-നാസറിന്‍റേതാണെന്നും പറയപ്പെടുന്നു. 2003 മുതൽ 2009 വരെ മാഞ്ചസ്റ്റർ യുണൈറ്റഡിനായി കളിച്ച റൊണാൾഡോ ഇപ്പോഴും ഏഴാം നമ്പർ ജേഴ്‌സിയാണ് ധരിക്കുന്നത്.