ദുബായ്: ഐസിസി ചാമ്പ്യന്‍സ് ട്രോഫി 2025നുള്ള ഇന്ത്യന്‍ ടീമിന്‍റെ ജേഴ്‌സിയമായി ബന്ധപ്പെട്ട വിവാദം സമൂഹമാധ്യമങ്ങളില്‍ അലയടിക്കുകയാണ്. പുതിയ ജഴ്‌സിയിലുള്ള ഇന്ത്യൻ ക്യാപ്റ്റൻ രോഹിത് ശർമ്മ, രവീന്ദ്ര ജഡേജ, ഹാർദിക് പാണ്ഡ്യ, അർഷ്ദീപ് സിംഗ് എന്നിവരുടെ ചിത്രങ്ങള്‍ ബിസിസിഐ പുറത്തുവിട്ടിട്ടുണ്ട്. എന്നാല്‍ ഇതില്‍ എല്ലാവരുടെയും ശ്രദ്ധ പിടിച്ചുപറ്റിയത് ജേഴ്‌സിയിലെ ടൂർണമെന്‍റ് ലോഗോയ്‌ക്കൊപ്പം ആതിഥേയ രാഷ്ട്രമായ പാകിസ്ഥാന്‍റെ പേരാണ്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ജേഴ്‌സിയിൽ മറ്റൊരു രാജ്യത്തിന്‍റെ പേര്, ഐസിസി നിയമം
ഐസിസിയുടെ മാര്‍ഗ്ഗനിര്‍ദ്ദേശങ്ങള്‍ അനുസരിച്ച്, ഇവന്‍റിന് ആതിഥേയത്വം വഹിക്കുന്ന രാജ്യത്തിന്‍റെ പേര് ടൂർണമെന്‍റിന്‍റെ ജേഴ്‌സിയിൽ ലോഗോയ്‌ക്കൊപ്പം എഴുതിയണമെന്നാണ്, നേരത്തെ, പാകിസ്ഥാന്‍റെ പേരുള്ള ജേഴ്‌സി ഇന്ത്യ ധരിക്കില്ലെന്ന് മാധ്യമങ്ങള്‍ റിപ്പോർട്ടുകൾ ചെയ്‌തിരുന്നു, എന്നാൽ ഐസിസിയുടെ എല്ലാ നിയമങ്ങളും ടീം ഇന്ത്യ പാലിക്കുമെന്ന് പറഞ്ഞ് ബിസിസിഐ ഈ റിപ്പോർട്ട് നിരസിച്ചു.
പാകിസ്ഥാൻ സ്റ്റേഡിയത്തിൽ ഇന്ത്യൻ പതാക ഇല്ലാത്തത് എന്തുകൊണ്ട്?
നേരത്തെ, പാകിസ്ഥാൻ സ്റ്റേഡിയത്തിൽ ഇന്ത്യൻ പതാക ഉയർത്താത്തതിന്‍റെ ഒരു വീഡിയോ സമൂഹമാധ്യമങ്ങളില്‍ വൈറലായിരുന്നു. 2025 ലെ ചാമ്പ്യൻസ് ട്രോഫിക്കായി പാകിസ്ഥാൻ സന്ദർശിക്കുന്ന രാജ്യങ്ങളുടെ പതാകകളാണ് പാകിസ്ഥാനില്‍ ഉയർത്തിയതെന്നും നിഷ്പക്ഷ വേദിയിൽ കളിക്കാൻ ആഗ്രഹിക്കുന്ന രാജ്യത്തിന്‍റെ പതാകയില്ലെന്നും പാകിസ്ഥാൻ ക്രിക്കറ്റ് ബോർഡ് (പിസിബി) പറഞ്ഞു. ഇതുസംബന്ധിച്ച് ഐസിസിയുടെ ഔദ്യോഗിക പ്രസ്താവന ഇതുവരെ വന്നിട്ടില്ല.
Also Read:'ഇന്ത്യ-പാക് മത്സരത്തെ പറ്റി വെറുതെ വീമ്പ് പറയേണ്ട', അയല്‍ക്കാരെ പുച്ഛിച്ച് തള്ളി ഹര്‍ഭജൻ സിങ്, ചൂടപ്പം പോലെ വിറ്റുപോയി ടിക്കറ്റ്
പാകിസ്ഥാനില്‍ ഐസിസി ടൂർണമെന്‍റ് 28 വർഷങ്ങൾക്ക് ശേഷം
1996 ലെ ലോകകപ്പിന് സഹ-ആതിഥേയത്വം വഹിച്ചതിന് ശേഷം ആദ്യമായാണ് പാകിസ്ഥാൻ ഒരു ഐസിസി പരിപാടിക്ക് ആതിഥേയത്വം വഹിക്കുന്നത്. 2009-ൽ ശ്രീലങ്കൻ ടീമിനെതിരായ ആക്രമണത്തിന് ശേഷം 28 വർഷത്തിന് ശേഷം പാകിസ്ഥാൻ ആതിഥേയത്വം വഹിക്കുന്ന ആദ്യ ആഗോള ടൂർണമെന്‍റാണിത്. ഇത്തവണത്തെ ചാമ്പ്യൻസ് ട്രോഫി ഫെബ്രുവരി 19 ന് ന്യൂസിലാൻഡും പാകിസ്ഥാനും തമ്മിലുള്ള മത്സരത്തോടെ ആരംഭിക്കും. ഫെബ്രുവരി 20 ന് ദുബായിൽ ബംഗ്ലാദേശിനെതിരെയാണ് ഇന്ത്യയുടെ ആദ്യ മത്സരം.
