കാൺപൂർ (ഉത്തർപ്രദേശ്): ഇന്ത്യ-ബംഗ്ലാദേശ് രണ്ടാം ടെസ്റ്റ് മത്സരത്തിനിടെ ബംഗ്ലാദേശ് ആരാധകന് മര്‍ദ്ദനമേറ്റു. കാൺപൂരിലെ ഗ്രീൻ പാർക്ക് സ്റ്റേഡിയത്തിലാണ് സംഭവം. ബംഗ്ലാദേശ് ക്രിക്കറ്റ് ടീമിനെതിരേ ഹിന്ദുത്വ സംഘടനങ്ങളുടെ പ്രതിഷേധം വിവിധയിടങ്ങളില്‍ നടക്കുന്നുണ്ടായിരുന്നു. മര്‍ദ്ദനമേറ്റ വ്യക്തിയെ പോലിസിന്‍റെ സഹായത്തോടെ ആശുപത്രിയിലെത്തിച്ചു.
ഇയാളുടെ നില ഗുരുതരമാണ്. സംഭവത്തെ തുടര്‍ന്ന് കല്യാൺപൂർ എസിപി ഉള്‍പ്പെടെയുള്ള ഉന്നത പോലീസ് ഉദ്യോഗസ്ഥര്‍ സ്ഥലത്തെത്തി സ്ഥിതിഗതികള്‍ വിലയിരുത്തി. ഇന്ന് രാവിലെ ഗ്രീൻ പാർക്ക് സ്റ്റേഡിയത്തിന് പുറത്ത് വിശ്വഹിന്ദു പരിഷത്ത് ഭാരവാഹികൾ പ്രകടനം നടത്തിയിരുന്നു. മത്സരം നടക്കുമ്പോൾ സ്റ്റേഡിയത്തിന് പുറത്ത് പൂർണ്ണ സമാധാനമായിരുന്നു. എന്നാൽ ഉച്ചഭക്ഷണത്തിന് ശേഷമാണ് ആരാധകനെ ബംഗ്ലാദേശ് വിരോധികള്‍ മര്‍ദ്ദിച്ചത്.