കോഴിക്കോട്: മാറ്റങ്ങൾക്കും വ്യത്യസ്‌തതകൾക്കും തീപിടിച്ച് കൊണ്ടിരിക്കുന്ന കാലമാണിത്. പണ്ട് കാലം തൊട്ടെ വ്യത്യസ്‌തതകൾ നമ്മൾ ആസ്വദിക്കാറുണ്ട്. അഭിപ്രായ വ്യത്യാസങ്ങളും രൂക്ഷമായ വിമർശനങ്ങളും ഇതിൻ്റെ ഭാഗവാക്കാണ്. ഫാഷൻ്റെ ലോകത്താണ് കണ്ണഞ്ചിപ്പിക്കുന്ന മാറ്റങ്ങൾ വന്നുപോയിക്കൊണ്ടിരിക്കുന്നത്.
പുരുഷന്മാരുടെ വസ്ത്രധാരണ രീതി തന്നെ പരിശോധിച്ചാൽ അൺഫിറ്റ് മോഡലാണ് കൗമാരക്കാരിലേയും യുവാക്കളിലേയും ട്രെൻഡ്. ശരീരത്തോട് ഒട്ടിപ്പിടിച്ചിരിക്കുന്ന വസ്ത്രധാരണ രീതി മാറിയെന്നും വിൻ്റേജ് മോഡലിൽ ലൂസ് ഷർട്ടുകളാണ് പുതിയ ട്രെൻഡെന്നും കോഴിക്കോട്ടെ വസ്ത്ര വ്യാപാരിയായ കമാൽ പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
"ഹാഫ് സ്ലീവാണ് യുവതയ്ക്ക്‌ താത്പര്യം. വെറും സിംപിൾ എന്ന് തോന്നിപ്പിക്കുന്ന ഇറക്കുമതി ഷർട്ട്, ടീ ഷർട്ട്, ബനിയൻ ക്ലോത്തുകൾക്ക് നല്ല മൂവാണ്. ചൈനീസ്, കൊറിയൻ തുണിത്തരങ്ങളാണ് വിപണിയിലെ താരം. മുംബൈ മാർക്കറ്റ് വഴിയാണ് ഇത് കേരളത്തിലേക്ക് എത്തുന്നത്".