കാഴ്‌ചയിലും ഗുണത്തിലും കേമൻ; 10 മിനിറ്റിൽ പൂ പോലുള്ള ബീറ്റ്‌റൂട്ട് ഇടിയപ്പം തയ്യാറാക്കാം

സ്വാദിഷ്ട്ടമായ ബീറ്റ്‌റൂട്ട് ഇടിയപ്പം എങ്ങനെ തയ്യാറാക്കാമെന്ന് നോക്കാം. റെസിപ്പി ഇതാ...

പ്രാതലിന് ദോശയും ഇഡലിയും പുട്ടുമൊക്കെ കഴിച്ച് മടുത്തവരായിരിക്കും പലരും. എന്നാൽ ഇനി ബ്രേക്‌ഫാസ്‌റ്റായി ഒരു വെറൈറ്റി ഇടിയപ്പം കഴിച്ചാലോ. കാഴ്‌ചയിൽ കളർഫുളായ ഈ ഭക്ഷണം രുചിയിലും ഏറെ മുന്നിലാണ്. വളരെ ഈസിയായി തയ്യാറാക്കാമെന്നതാണ് ഇതിന്‍റെ പ്രത്യേകത. തയ്യാറാക്കുന്നത് എങ്ങനെയെന്ന് നോക്കാം.

ആവശ്യമായ ചേരുവകൾ

• അരിപ്പൊടി - 1 കപ്പ്
• ബീറ്ററൂട്ട് - 1/2 കഷ്‌ണം
• തേങ്ങ - ആവശ്യത്തിന്
• ചൂടുവെള്ളം - 1 കപ്പ്
• ഉപ്പ് - ആവശ്യത്തിന്

തയ്യാറാക്കുന്ന വിധം

ആദ്യം ബീറ്റ്റൂട്ട് ചെറിയ കഷണങ്ങളായി അറിഞ്ഞതിന് ശേഷം മിക്‌സി ജാറിലേക്കിട്ട് അരച്ചെടുക്കുക. ബീറ്റ്‌റൂട്ട് ചാർ അരിച്ച് മാറ്റി വയ്ക്കാം. ഒരു പാത്രത്തിലേക്ക് അരിപൊടിയിട്ട് ചൂടുവെള്ളവും ബീറ്റ്‌റൂട്ട് ചാറും ഒഴിച്ച് മാവ് കുഴച്ചെടുക്കുക. ശേഷം ഇടിയപ്പ അച്ചിലേക്ക് ഈ മാവ് നിരച്ച് കൊടുക്കാം. ഇഡലി തട്ടിൽ ചിരകിയ തേങ്ങയിട്ട് ഇതിന് മുകളിലേക്ക് ഇടിയപ്പം പിഴിഞ്ഞ് ആവിയിൽ വേവിച്ചെടുക്കുക. സ്വാദിഷ്ട്ടവും പൂവ് പോലെ മൃദുലവുമായ ഇടിയപ്പം തയ്യാർ.