മോസ്കോ : റഷ്യൻ പ്രസിഡന്‍ഷ്യല്‍ തെരഞ്ഞെടുപ്പില്‍ വിജയം ഉറപ്പിച്ച് വ്ളാഡിമിര്‍ പുടിന്. ഇത്തവണ കൂടി ജയിക്കുന്നതോടെ അഞ്ചാം തവണയാണ് തുടര്‍ച്ചയായി പുടിന് റഷ്യന്‍ പ്രസന്‍റ് ആകുന്നത്. വിമര്‍ശനങ്ങളെ അടിച്ചമർത്തുന്നതടക്കം നിരവധി വിമര്‍ശനങ്ങളാണ് പുടിന് നേടിടുന്നത്.
പ്രതിഷേധത്തിന് കാര്യമായ വ്യത്യാസമില്ലാതെ, തെരഞ്ഞെടുപ്പിന്‍റെ അവസാന ദിവസമായ ഞായറാഴ്‌ച (17-03-2024) ഉച്ചയ്ക്ക് റഷ്യക്കാർ പോളിങ് സ്‌റ്റേഷനുകൾക്ക് പുറത്ത് തിങ്ങിക്കൂടി, പുടിനോടുള്ള തങ്ങളുടെ അതൃപ്‌തി പ്രകടിപ്പിക്കാനുള്ള പ്രതിപക്ഷ ആഹ്വാനത്തിന് ഭാഗമായിരുന്നു ഇത്. എന്നിരുന്നാലും, കാല്‍ നൂറ്റാണ്ട് നീണ്ട തന്‍റെ ഭരണം ആറ് വർഷത്തേക്ക് കൂടി നീട്ടുമ്പോൾ റഷ്യൻ നേതാവ് രാജ്യത്തിന്‍റെ രാഷ്‌ട്രീയ വ്യവസ്ഥയുടെ പൂർണ നിയന്ത്രണത്തിൽ കുറഞ്ഞതൊന്നും സ്വീകരിക്കില്ലെന്ന് പറഞ്ഞു.
ആദ്യകാല ഫലങ്ങൾ തന്നിലുള്ള "വിശ്വാസം", "പ്രതീക്ഷ" എന്നിവയുടെ സൂചനയായി പുടിൻ പ്രശംസിച്ചു - വിമർശകർ അവയെ തെരഞ്ഞെടുപ്പിന്‍റെ മുൻനിശ്ചയിച്ച സ്വഭാവത്തിന്‍റെ മറ്റൊരു പ്രതിഫലനമായാണ് കണ്ടത്.
'തീർച്ചയായും, ഞങ്ങൾക്ക് ഒരുപാട് ജോലികൾ മുന്നിലുണ്ട്. എന്നാൽ എല്ലാവരോടും ഒരു കാര്യം വ്യക്തമാക്കാൻ ഞാൻ ആഗ്രഹിക്കുന്നു, ഞങ്ങൾ ഏകീകരിക്കപ്പെട്ടപ്പോൾ, നമ്മെ ഭയപ്പെടുത്താനും നമ്മുടെ ഇച്‌ഛയേയും നമ്മുടെ മനസാക്ഷിയേയും അടിച്ചമർത്താനും ആർക്കും കഴിഞ്ഞിട്ടില്ല. അവർ പണ്ട് പരാജയപ്പെട്ടതാണ് ഭാവിയിലും അവർ പരാജയപ്പെടും എന്ന് വോട്ടെടുപ്പ് അവസാനിച്ചതിന് ശേഷം സന്നദ്ധപ്രവർത്തകരുമായി നടത്തിയ യോഗത്തിൽ പുടിൻ പറഞ്ഞു.