ഹൈദരാബാദ്: അമേരിക്കയിൽ നടക്കുന്ന സ്പെല്ലിംഗ് ബീ മത്സരത്തിൽ വിജയ കിരീടമണിഞ്ഞ്‌ തെലങ്കാന സ്വദേശി. ഇന്ത്യൻ അമേരിക്കൻ വിദ്യാർഥിയായ ബൃഹത് സോമ (12) വെറും 90 സെക്കൻഡിനുള്ളിൽ 29 വാക്കുകൾ ശരിയാക്കിയാണ്‌ വിജയം കരസ്ഥമാക്കിയത്‌. തെലങ്കാനയിലെ നൽഗൊണ്ട ജില്ലയാണ് വിദ്യാർഥിയുടെ പിതാവ്‌ ശ്രീനിവാസ് സോമയുടെ സ്വദേശം.
2024-ലെ സ്‌ക്രിപ്‌സ് നാഷണൽ സ്പെല്ലിംഗ് ബീയിലൂടെ കപ്പും $50,000 ക്യാഷ് പ്രൈസും നേടിയിരിക്കുകയാണ്‌ ഏഴാം ക്ലാസ്‌ വിദ്യാർഥിയായ ബൃഹത് സോമ. ഈ വർഷത്തെ സ്പെല്ലിംഗ് ബീ മത്സരത്തിൽ 245 വിദ്യാർഥികൾ പങ്കെടുത്തതിൽ 8 പേർ ഫൈനലിലെത്തി. ഫൈനലില്‍ ബൃഹത് സോമയും മറ്റൊരു മത്സരാര്‍ഥിയായ ഫൈസാൻ ജോക്കിയും തമ്മിൽ ടൈ ആയിരുന്നു.
ഇരുവർക്കും ടൈബ്രേക്കറായി സംഘാടകർ 90 സെക്കൻഡ് അനുവദിച്ചു. ഇതില്‍ ജാക്കി 20 വാക്കുകളും ബൃഹത് 29 വാക്കുകളും കൃത്യമായി പറഞ്ഞു. 2022-ലെ മത്സരത്തിൽ, ഇന്ത്യൻ വംശജയായ ഹരിണി ലോഗൻ 90 സെക്കൻഡിൽ 22 വാക്കുകൾ ഉച്ചരിച്ചു, ഇപ്പോൾ ബ്രിഹത് ആ റെക്കോർഡ് മറികടന്നു.