ടെൽ അവീവ് (ഇസ്രയേൽ): ഹമാസിന്റെ താക്കോൽ സ്ഥാനത്തുള്ള അവസാന നേതാവിനെയും വധിച്ച് ഇസ്രയേൽ. ഹമാസ് പൊളിറ്റിക്കൽ ബ്യുറോയിലെ നാഷണൽ റിലേഷൻസ് മേധാവിയായിരുന്നു ഇസ് അൽ ദിൻ കസബിനെയാണ് വധിച്ചത്. ഹമാസും ഗാസയിലെ മറ്റ് ഭീകര സംഘടനകളും തമ്മിലുളള ബന്ധം ഏകോപിപ്പിക്കുന്നതിന് പ്രധാന പങ്കുവഹിച്ച ആളായിരുന്നു ഇയാളെന്ന് ഇസ്രയേൽ ഡിഫൻസ് ഫോഴ്‌സ് (ഐഡിഎഫ്) സമൂഹമാധ്യമമായ എക്‌സിലൂടെ അറിയിച്ചു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
മേഖലയിലെ തന്ത്രപ്രധാനമായ സൈനിക നീക്കങ്ങൾ നോക്കി നടത്തുന്നയാൾ കൂടിയായിരുന്നു ഇയാളെന്ന് ഐഡിഎഫ് വ്യക്തമാക്കി. ഇസ്രയേലിനെതിരായ ഭീകരാക്രമണങ്ങൾ നടപ്പിലാക്കുന്നതിനുള്ള അധികാരം കസബിനാണ് ഉണ്ടായിരുന്നതെന്നും പോസ്‌റ്റിൽ ഐഡിഎഫ് ചൂണ്ടിക്കാട്ടി.