സാവോപോളോ:ബ്രസീലിലെ സാവോപോളയില്‍ വിമാനം തകര്‍ന്നുവീണ് യാത്രക്കാരെല്ലാം കൊല്ലപ്പെട്ടു. 61 യാത്രക്കാരുമായി പറന്നുയര്‍ന്ന വോപാസ് ലിൻഹാസ് ഏരിയസിന്റെ എടിആർ-72 എന്ന വിമാനമാണ് അപകടത്തിൽപ്പെട്ടത്. ബ്രസീലിയൻ എയര്‍ലൈൻ വിമാനം അപകടത്തില്‍പ്പെടുന്നതിന്‍റെ ദൃശ്യങ്ങളും പുറത്തുവന്നിട്ടുണ്ട്.
ബ്രസീലിയൻ നഗരമായ സാവോപോളയില്‍ നിന്നും 80 കിലോ മീറ്റര്‍ മാറിയുള്ള വിൻഹെഡോയിലാണ് വിമാനം അപകടത്തില്‍പ്പെട്ടത്. അപകടത്തില്‍ വിമാനത്തിലുണ്ടായിരുന്നവരെല്ലാം മരിച്ചെന്ന് എയര്‍ലൈൻ അധികൃതര്‍ അറിയിച്ചു. അപകടത്തില്‍ 62 പേര്‍ കൊല്ലപ്പെട്ടന്നായിരുന്നു ആദ്യം പുറത്തുവന്ന വിവരം.