ബിജു മേനോനും മേതില്‍ ദേവികയും പ്രധാന വേഷങ്ങളില്‍ എത്തുന്ന ചിത്രമാണ് 'കഥ ഇന്നുവരെ'. മേപ്പടിയാന്‍ എന്ന ചിത്രത്തിന് ശേഷം ദേശീയ അവാര്‍ഡ് ജേതാവ് വിഷ്‌ണു മോഹന്‍ സംവിധാനം ചെയ്യുന്ന രണ്ടാമത്തെ ചിത്രമാണ് ഇച്. ചിത്രത്തിന്‍റെ ട്രയിലര്‍ പുറത്തിറങ്ങി. നര്‍ത്തകി മേതില്‍ ദേവികയുടെ ആദ്യ ചിത്രമാണിത്.
ഒട്ടേറെ പ്രണയ നിമിഷങ്ങളുള്ള ഹൃദയസ്‌പര്‍ശിയായ ഒരു ചിത്രമായിരിക്കും 'കഥ ഇന്നുവരെ' എന്ന സൂചനയാണ് ട്രെയിലര്‍ നല്‍കുന്നത്. സെപ്റ്റംബര്‍ 20 ന് ചിത്രം തിയേറ്ററുകളിലെത്തും. നിഖില വിമല്‍, അനുശ്രീ, ഹക്കീം ഷാജഹാന്‍, അനു മോഹന്‍, സിദ്ദിഖ്, രഞ്ജി പണിക്കര്‍, കോട്ടയം രമേശ്, കൃഷ്‌ണപ്രസാദ്, അപ്പുണ്ണി ശശി, കിഷോര്‍ സത്യ, ജോര്‍ഡി പൂഞ്ഞാര്‍ തുടങ്ങിയവരും ചിത്രത്തില്‍ പ്രധാന വേഷങ്ങളിൽ എത്തുന്നുണ്ട്.
ഇടിവി ഭാരത് കേരളം ഇനി വാട്‌സ്‌ആപ്പിലും