'പ്രിയം', 'ഇരുവട്ടം മണവാട്ടി', 'ഗോഡ്‌സ് ഓൺ കൺട്രി', 'ഹയ' തുടങ്ങിയ സിനിമകൾ പ്രേക്ഷകർക്ക് സമ്മാനിച്ച വാസുദേവ് സനൽ പുതിയ ചിത്രവുമായി എത്തുന്നു. 'അന്ധകാരാ' എന്ന മലയാള സിനിമയുമായാണ് വാസുദേവ് സനൽ പ്രേക്ഷകർക്കരികിൽ എത്തുന്നത്. 'അന്ധകാരാ' ഫെബ്രുവരിയിൽ പ്രദർശനത്തിന് എത്തും (Vasudev Sanal Divya Pillai movie Andhakara Release in February).
ദിവ്യ പിള്ളയാണ് ഈ ചിത്രത്തിൽ കേന്ദ്ര കഥാപാത്രത്തെ അവതരിപ്പിക്കുന്നത്. ചന്തുനാഥും പ്രധാന വേഷത്തിലുണ്ട്. ധീരജ് ഡെന്നി, വിനോദ് സാഗർ, ആന്‍റണി ഹെൻറി, മറീന മൈക്കൽ, അജിഷ പ്രഭാകരൻ, സുധീർ കരമന, കെ ആർ ഭരത്, ജയരാജ് കോഴിക്കോട് തുടങ്ങിയവരാണ് മറ്റ് പ്രധാന കഥാപാത്രങ്ങൾക്ക് ജീവൻ പകരുന്നത്.
ഡ്രീം ബിഗ് ഫിലിംസാണ് 'ദി ഡാർക്കെസ്റ്റ് മൈൻഡ്‌സ്' (The Darkest Minds- ഇരുണ്ട മനസുകൾ) എന്ന ടാഗ്‌ലൈനുമായി എത്തുന്ന 'അന്ധകാരാ' പ്രദർശനത്തിന് എത്തിക്കുന്നത്. എയ്‌സ് ഓഫ് ഹേർച്‌സ് സിനി പ്രൊഡക്ഷന്‍റെ ബാനറിൽ സജീർ ഗഫൂർ ആണ് 'അന്ധകാരാ' സിനിമയുടെ നിർമാണം.
എ എൽ അർജുൻ ശങ്കറും പ്രശാന്ത് നടേശനും ചേർന്നാണ് ഈ ചിത്രത്തിനായി തിരക്കഥ ഒരുക്കിയത്. മനോ വി നാരായണൻ ഛായാഗ്രാഹകനായ ചിത്രത്തിന്‍റെ എഡിറ്റിങ് നിർവഹിക്കുന്നത് അനന്ദു വിജയ് ആണ്. സംഗീത സംവിധാനം അരുൺ മുരളീധരനും നിർവഹിക്കുന്നു.
ആർട്ട് ഡയറക്‌ടർ - ആർക്കൻ എസ് കർമ്മ, പ്രൊജക്റ്റ്‌ ഡിസൈ‍നർ - സണ്ണി തഴുത്തല, പ്രൊഡക്ഷൻ കൺട്രോളർ - ജയശീലൻ സദാനന്ദൻ, സ്റ്റിൽസ് - ഫസൽ ഉൾ ഹക്ക്, മാർക്കറ്റിംഗ് - എന്‍റർടെയിൻമെന്‍റ് കോർണർ, മീഡിയ കൺസൽട്ടന്‍റ് - ജിനു അനിൽകുമാർ, ഡിസൈൻസ് - യെല്ലോ ടൂത്ത് എന്നിവരാണ് ചിത്രത്തിന്‍റെ മറ്റ് അണിയറ പ്രവർത്തകർ.
