മഹാകവി കുമാരനാശാന്‍റെ 'കരുണ' എന്ന മഹാകാവ്യത്തിന് പുത്തൻ ഭാഷ്യവുമായി 'വാസവദത്ത'. 'വാസവദത്ത'യുടെ രണ്ടാം ഘട്ട ചിത്രീകരണം തൃശൂരില്‍ ആരംഭിച്ചു. 'കരുണ'യ്‌ക്ക് പുത്തന്‍ ഭാഷ ഒരുക്കാൻ കാരുണ്യ ക്രിയേഷൻസ് സൗഹൃദ കൂട്ടായ്‌മ നിര്‍മ്മിച്ച്, ശ്യാം നാഥ് രചനയും സംവിധാനവും നിർവ്വഹിക്കുന്ന ചിത്രമാണ് 'വാസവദത്ത'
ചിത്രത്തില്‍ ടൈറ്റില്‍ റോളില്‍ വാസവദത്തയായി എത്തുന്നത് സൗമ്യയാണ്. തോഴിയായി തമിഴ് - മലയാളം നടി രമ്യയും വേഷമിടും. ഉപഗുപ്‌തനായി വിഷ്‌ണുവും ശങ്കര ചെട്ടിയായി വൈക്കം ഭാസിയും വേഷമിടും. അലൻസിയർ, ഗീതാ വിജയൻ, നന്ദകിഷോർ, തട്ടീം മുട്ടീം താരം ജയകുമാർ തുടങ്ങിയവരും ചിത്രത്തില്‍ അണിനിരക്കും.