വിവിധ അന്താരാഷ്ട്ര ചലച്ചിത്ര മേളകളില്‍ പ്രദര്‍ശിപ്പിക്കുകയും ഏറെ ശ്രദ്ധിക്കപ്പെടുകയും ചെയ്‌ത സൂപ്പർ നാച്വറൽ ത്രില്ലർ 'വടക്കന്‍' ഓഡിയോ ട്രെയിലർ പുറത്തിറക്കി. സജീദ് എ സംവിധാനം ചെയ്‌ത വടക്കാൻ എന്ന ചിത്രത്തിന്‍റെ മലയാള സിനിമയിലെ ആദ്യത്തെ തന്നെ ഓഡിയോ ട്രെയിലർ ലോഞ്ചിലൂടെ വ്യാപകമായ ശ്രദ്ധ നേടിയിരിക്കുകയാണ്.
അടുത്തിടെ നടന്ന ചടങ്ങിൽ സംഗീത സംവിധായകൻ ബിജിബാലും നിർമ്മാതാവ് ജയ്‌ദീപ് സിങ്ങും ചേർന്നാണ് ചിത്രത്തിന്‍റെ ഓഡിയോ ട്രെയിലർ പുറത്തിറക്കിയത്. മലയാളത്തിൽ തന്നെ ഏറ്റവും ആദ്യത്തേതായ ഈ നൂതന സംരംഭത്തിൽ പ്രേക്ഷകരുടെ അചഞ്ചലമായ പിന്തുണ ലഭിക്കുമെന്ന പ്രതീക്ഷ ചിത്രത്തിന് പിന്നിലുള്ള ക്രിയേറ്റീവ് ടീം പ്രകടിപ്പിച്ചു.
'ഈ ചിത്രത്തിൽ ശബ്‍ദം ഒരു പ്രധാന പങ്ക് വഹിക്കുന്നുണ്ട്, അതിനാലാണ് ഒരു ഓഡിയോ ട്രെയിലറിലൂടെ അതിന്‍റെ റിലീസിന് ഞങ്ങൾ മുൻഗണന നൽകിയത്. ചിത്രത്തിന്‍റെ ശബ്‍ദ രൂപകൽപ്പനയിലും അതിന്‍റെ സങ്കീർണമായ ഘടകങ്ങളിലും കൗതുകം ജനിപ്പിക്കുക എന്നതാണ് ലക്ഷ്യം. റസൂൽ പൂക്കുട്ടിയും സാജിദും ഞാനും ചേർന്ന് വിഭാവനം ചെയ്‌ത ഈ ആശയം ഒരു സുപ്രധാന ചുവടുവെപ്പാണ്. ഓഡിയോ ട്രെയിലർ പുറത്തിറക്കുന്ന മലയാള സിനിമയിലെ ആദ്യ ചിത്രമെന്ന നിലയിൽ ഇത് ഗണ്യമായ ശ്രദ്ധ നേടുമെന്ന് ഞങ്ങൾ പ്രതീക്ഷിക്കുന്നു', ലോഞ്ചിന് ശേഷം മാധ്യമങ്ങളെ അഭിസംബോധന ചെയ്‌തുകൊണ്ട് ബിജിബാൽ അഭിപ്രായപ്പെട്ടു. ചിത്രത്തിന്‍റെ അനന്ത സാധ്യതകളെക്കുറിച്ച് ശുഭാപ്‌തിവിശ്വാസം പ്രകടിപ്പിച്ച് കൊണ്ട് നിർമ്മാതാവ് ജയ്‌ദീപ് സിങ്, ഗായിക ഭദ്ര രാജിൻ എന്നിവരും പരിപാടിയിൽ സംസാരിച്ചു.
ഇറ്റലിയിലെ അഭിമാനകരമായ 78ാമത് ഫെസ്‌റ്റിവൽ ഇൻ്റർനാഷണൽ ഡെൽ സിനിമ ഡി സലേർനോയിൽ 2024 (78ാമത് സലേർനോ ഇൻ്റർനാഷണൽ ഫിലിം ഫെസ്‌റ്റിവൽ) ഒഫീഷ്യൽ കോംപറ്റീഷനിൽ പ്രീമിയര്‍ ചെയ്‌ത ചിത്രത്തിന്‍റെ എക്‌സ്‌ക്ലൂസീവ് പ്രീമിയർ, ഇൻവൈറ്റ് ഒൺലി മാർക്കറ്റ് പ്രീമിയർ ലോക പ്രശസ്‌ത കാൻ ഫിലിം ഫെസ്‌റ്റിവലിൽ മാർഷെ ദു ഫിലിം 2024 ൽ ഹൊറർ, ഫാന്‍റസി സിനിമകൾക്കായുള്ള പ്രത്യേക വിഭാഗമായ ഫന്‍റാസ്‌റ്റിക് പവലിയനിൽ ഈ വർഷം ആദ്യം നടന്നിരുന്നു.
സെലിബ്രിറ്റികളും ഹൊറർ സിനിമ പ്രേമികളും ബോളിവുഡ്, ഹോളിവുഡ് താരങ്ങളും പങ്കെടുത്ത ഗാല സ്‌ക്രീനിങ്ങിൽ ഏഴ് സിനിമകളിൽ ഒന്നായാണ് വടക്കൻ തെരഞ്ഞെടുക്കപ്പെട്ടത്. റസൂൽ പൂക്കുട്ടി, കീക്കോ നകഹര, ബിജിബാൽ, ഉണ്ണി ആർ എന്നീ പ്രശസ്‌തർ അണിയറയിൽ ഒരുമിക്കുന്ന 'വടക്കൻ' ഈ വിഭാഗത്തിൽ ഇടംനേടിയ ഏക മലയാളചിത്രവുമാണ്.
അതുപോലെ അമേരിക്കയിലെ പ്രശസ്‌തമായ ഫ്രൈറ്റ് നൈറ്റ് ഫിലിം ഫെസ്‌റ്റിവലിൽ മികച്ച സൂപ്പർ നാച്വറൽ ത്രില്ലർ ചിത്രമായി 'വടക്കൻ' ചരിത്രം രചിച്ചിരുന്നു. ഫ്രാൻസിലെ റിംസ് അന്താരാഷ്ട്ര ചലച്ചിത്രോത്സവത്തിൽ ബെസ്‌റ്റ് ഫീച്ചർ ഫിലിം വിന്നറായിരുന്നു 'വടക്കൻ'.
ദ്രാവിഡ പുരാണങ്ങളും പഴങ്കഥകളും അടിസ്ഥാനമാക്കിക്കൊണ്ട് അത്യാധുനിക ഡിജിറ്റൽ സാങ്കേതികവിദ്യയും ഗ്രാഫിക്‌സും ശബ്‍ദ, ദൃശ്യ വിന്യാസങ്ങളുമെല്ലാമായിട്ടാണ് 'വടക്കൻ' ഒരുക്കിയിരിക്കുന്നത്. കേരളീയ പശ്ചാത്തലത്തിലാണെങ്കിലും ഹോളിവുഡിനെ വെല്ലുന്ന സാങ്കേതിക മികവാണ് നിർമാതാക്കളായ ഓഫ്ബീറ്റ് സ്‌റ്റുഡിയോസ് ഉദ്ദേശിക്കുന്നത്.
മലയാളികൾക്കും കേരളത്തിന് പുറത്തുള്ളവർക്കും വിദേശികൾക്കും ഒരുപോലെ ആസ്വദിക്കാൻ കഴിയുന്ന ചിത്രമായിരിക്കും 'വടക്കൻ' എന്നാണ് നിർമ്മാതാക്കളായ ഓഫ്ബീറ്റ് സ്‌റ്റുഡിയോയിലെ ജയ്‌ദീപ് സിങ്, ഭവ്യ നിധി ശർമ്മ എന്നിവരുടെ ആത്മവിശ്വാസം.
യുഎസ് പ്രീമിയർ ലീഗ് ക്രിക്കറ്റിന് ആരംഭം കുറിച്ച ഓഫ്ബീറ്റ് മീഡിയ ഗ്രൂപ്പ് ഇന്ത്യയിൽ നിന്നുള്ള ഏറെ വ്യത്യസ്‌തമായ കഥകൾ പ്രദർശിപ്പിക്കുന്നതിനുള്ള പ്ലാറ്റ്‍ഫോമായ 101India.comന് പിന്നിലെ സർഗാത്മക ശക്തിയാണ്. അവരുടെ ബാനറായ ഓഫ് ബീറ്റ് സ്‌റ്റുഡിയോസിന് കീഴിൽ മലയാള സിനിമ ലോകത്ത് അത്യന്തം വേറിട്ടുനിൽക്കുന്ന സിനിമകളൊരുക്കാനൊരുങ്ങുകയാണ്.
നേരത്തെ, കൊച്ചിയിൽ നടന്ന എൻഎഫ്‌ടി എക്‌സിബിഷൻ 'മിഥ്സ് ആൻഡ് മീമ്സ്' പപ്പായ കഫേയുമായി സഹകരിച്ച് ഓഫ്ബീറ്റ് മീഡിയയുടെ 101India.com ക്യൂറേറ്റ് ചെയ്‌തിരുന്നു. മലയാളി സിനിമ പ്രേക്ഷകർക്കായി ഓഫ് ബീറ്റ് സ്‌റ്റുഡിയോസ് സമാനതകളില്ലാത്ത കഥകളൊരുക്കുന്ന യൂണിവേഴ്‌സിൽ ആദ്യത്തായാണ് 'വടക്കൻ' എത്തുന്നത്. പുരാതന വടക്കേ മലബാറിലെ നാടോടിക്കഥകളുടെ കഥാതന്തുവിൽ ഒരുങ്ങുന്ന ഒരു സൂപ്പർനാച്വറൽ ത്രില്ലറാണ് 'വടക്കൻ'. മലയാളം കൂടാതെ കന്നഡയിലേക്ക് മൊഴിമാറ്റിയും റിലീസിനായി ഒരുങ്ങുന്നുണ്ട്.
ഓസ്‌കർ ജേതാവ് റസൂൽ പൂക്കുട്ടിയാണ് സൗണ്ട് ഡിസൈൻ നിർവഹിക്കുന്നത്. ജാപ്പനീസ് ഛായാഗ്രഹക കെയ്കോ നകഹാര ഛായാഗ്രഹണം ഒരുക്കുന്നു. ഉണ്ണി ആറിന്‍റേതാണ് തിരക്കഥയും സംഭാഷണങ്ങളും. ബിജിപാൽ സംഗീതം നൽകുന്നു. ആഗോളതലത്തിൽ ശ്രദ്ധേയയായ പാക് ഗായിക സെബ് ബംഗാഷ് ബിജിബാലിനും ബോളിവുഡിലെ പ്രശസ്‌ത ഗാനരചയിതാവായ ഷെല്ലെയ്ക്കുമൊപ്പം ഒരുക്കിയ ഒരു പ്രണയ ഗാനം 'വടക്കനി'ൽ ആലപിച്ചിട്ടുണ്ട്. ഇന്ത്യയിലും വിദേശത്തുമുള്ള ഏറ്റവും മികച്ച സിജിഐ ടീമാണ് ചിത്രത്തിന്‍റെ വിഎഫ്എക്‌സ് ഒരുക്കുന്നത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
കിഷോറിനേയും ശ്രുതിയേയും കൂടാതെ മെറിൻ ഫിലിപ്പ്, മാലാ പാർവ്വതി, രവി വെങ്കട്ടരാമൻ, ഗാർഗി ആനന്ദൻ, ഗ്രീഷ്‌മ അലക്‌സ്, കലേഷ് രാമാനന്ദ്, കൃഷ്‌ണ ശങ്കർ, ആര്യൻ കതൂരിയ, മീനാക്ഷി ഉണ്ണികൃഷ്‌ണൻ, സിറാജ് നാസർ, രേവതി തുടങ്ങി നിരവധി താരങ്ങൾ ചിത്രത്തിൽ ഒരുമിക്കുന്നുണ്ട്.
ഛായാഗ്രഹണം: കെയ്കോ നകഹാര ജെഎസ്‌സി, അഡീഷണൽ സിനിമാറ്റോഗ്രഫി: ഫിന്നിഷ് ഡിപി ലിനസ് ഒട്‌സാമോ, സൗണ്ട് ഡിസൈൻ: റസൂൽ പൂക്കുട്ടി സിഎഎസ് എംപിഎസ്ഇ, അരുണാവ് ദത്ത, റീ റെക്കോർഡിംഗ് മിക്‌സേഴ്‌സ്: റസൂൽ പൂക്കുട്ടി സിഎഎസ് എംപിഎസ്ഇ, റോബിൻ കുട്ടി, ടീസർ സൌണ്ട്‌സ്‌കേപ്പ്: റസൂൽ പൂക്കുട്ടി, ബിജിബാൽ, രചയിതാവ്: ഉണ്ണി ആർ, എഡിറ്റർ: സൂരജ് ഇ. എസ്, സംഗീത സംവിധായകൻ: ബിജിബാൽ, വരികൾ: ബികെ ഹരിനാരായണൻ, ഷെല്ലി, എംസി കൂപ്പർ
പ്രൊഡക്ഷൻ ഡിസൈനർ: എം ബാവ, കോസ്‌റ്റ്യൂം ഡിസൈനർ: ഖ്യതി ലഖോട്ടിയ, അരുൺ മനോഹർ, മേക്കപ്പ്: നരസിംഹ സ്വാമി, ഹെയർ സ്‌റ്റൈലിസ്‌റ്റ്: ഉണ്ണിമോൾ, ചന്ദ്രിക, ആക്ഷൻ ഡയറക്‌ടർ: മാഫിയ ശശി, അഷ്റഫ് ഗുരുകുൽ, എക്‌സിക്യൂട്ടീവ് പ്രൊഡ്യൂസേഴ്‌സ്: സ്ലീബ വർഗീസ്, സുശീൽ തോമസ്, പ്രൊഡക്ഷൻ കൺട്രോളർ: സിൻജോ ഒട്ടാത്തിക്കൽ, കൊറിയോഗ്രാഫി: മധു ഗോപിനാഥ്, വൈക്കം സജീവ്, ലൈൻ പ്രൊഡ്യൂസേഴ്‌സ്: ഫ്രാങ്കി ഫിലിം & ടിവി ഒവൈ, ഓൾ ടൈം ഫിലിം, വിഎഫ്എക്‌സ്: ഫ്രോസ്‌റ്റ് എഫ്എക്‌സ് (എസ്‌റ്റോണിയ) ഐവിഎഫ്എക്‌സ്, കോക്കനട്ട് ബഞ്ച് ക്രിയേഷൻസ് & ഗ്രേമാറ്റർ (ഇന്ത്യ), കളറിസ്‌റ്റ്: ആൻഡ്രിയാസ് ബ്രൂക്ക്ൽ, ഡി സ്‌റ്റുഡിയോ പ്രൈം ഫോക്കസ് ലിമിറ്റഡ്, മാർക്കറ്റിങ് ആൻഡ് പ്രൊമോഷൻസ്: ശിവകുമാർ രാഘവ്, പബ്ലിക് റിലേഷൻസ്: അതിര ദിൽജിത്, ഡിജിറ്റൽ മാർക്കറ്റിങ്: ഒബ്‌സ്‌ക്യൂറ എന്‍റർടെയ്ൻമെന്‍റ്സ്, പോസ്‌റ്റർ ഡിസൈൻ: യെല്ലോ ടൂത്ത്‌സ്, ഓഡിയോ ലേബൽ: ഓഫ്ബീറ്റ് മ്യൂസിക്, സ്‌റ്റിൽസ്: ശ്രീജിത് ചെട്ടിപ്പാടി, കേരള ഡിസ്‌ട്രിബ്യൂഷൻ: ഡ്രീം ബിഗ് ഫിലിംസ്.
Also Read:'ഭ്രമയുഗത്തിലെ മന ഭീകരമാക്കിയത് ഭാരതപുഴയുടെ തീരത്ത് നിന്നുള്ള പുല്ല് കൊണ്ട്'; ചിത്രത്തിലെ ആരുമറിയാത്ത രഹസ്യങ്ങള്‍
