മലയാള സിനിമയിൽ സേവന വേതന കരാർ നിർബന്ധമാക്കാൻ പ്രൊഡ്യൂസേഴ്സ് അസോസിയേഷൻ. ഒരു ലക്ഷം രൂപയ്ക്ക് മുകളിൽ പ്രതിഫലം വാങ്ങുന്നവര്‍ മുദ്രപത്രത്തിൽ തയ്യാറാക്കുന്ന കരാർ ഒപ്പിടണമെന്നാണ് നിർദ്ദേശം. ഒക്ടോബർ ഒന്ന് മുതൽ കരാർ നടപ്പിലാക്കണമെന്ന് ആവശ്യപ്പെട്ട് അമ്മയ്ക്കും ഫെഫ്‌കയ്ക്കും നിർമ്മാതാക്കൾ കത്തയച്ചു.
സേവന വേതന കരാര്‍ ഇല്ലാത്ത തൊഴിൽ തർക്കത്തിൽ പ്രൊഡ്യൂസേഴ്സ് അസോസിയേഷൻ ഇടപെടില്ലന്നും കത്തിൽ വ്യക്തമാക്കുന്നു. നിലവിലെ സാഹചര്യത്തിൽ സിനിമകളിൽ തൊഴിലിൽ എർപ്പെടുന്നവരുടെയെല്ലാം കൃത്യമായ കരാറിൻ്റെ അടിസ്ഥാനത്തിൽ മാത്രം സിനിമകൾ ആരംഭിക്കാനാണ് കേരള ഫിലിം പ്രൊഡ്യൂസേഴ്സ് അസോസിയേഷൻ്റെ തീരുമാനമെന്ന് നിർമ്മാതാക്കളുടെ സംഘടന ഫെഫ്‌കയെ രേഖാമൂലം അറിയിച്ചു.