ഇന്ദ്രൻസ്, ജാഫർ ഇടുക്കി, ജോണി ആന്റണി, ഡയാന ഹമീദ്, ബേബി കാശ്മീര എന്നിവരെ പ്രധാന കഥാപാത്രങ്ങളാക്കി ഹരിനാരായണൻ കെ എം സംവിധാനം ചെയ്യുന്ന ചിത്രമാണ് 'ഒരുപ്പോക്കൻ' (Indrans and Jaffar Idukki starrer Oruppokkan). ദക്ഷിണ കാശി പ്രൊഡക്ഷന്സിന്റെ ബാനറിൽ സുധീഷ് മോൻ നിർമിക്കുന്ന ഈ ചിത്രത്തിന്റെ ഷൂട്ടിങ് തുടങ്ങി. കോട്ടയം പുതുപ്പള്ളി ദർശന സിഎംഐ ഇന്റർനാഷണൽ സ്കൂളിലാണ് സിനിമയുടെ ചിത്രീകരണം ആരംഭിച്ചത് (Oruppokkan movie shooting started in Kottayam).
സുധീഷ്, ഐ എം വിജയൻ, അരുൺ നാരായണൻ, സുനിൽ സുഖദ, സിനോജ് വർഗീസ്, കലാഭവൻ ജിന്റോ, ശിവദാസ് കണ്ണൂർ, ഗൗതം ഹരിനാരായണൻ, സുരേന്ദ്രൻ കാളിയത്ത്, സൗമ്യ മാവേലിക്കര, അപർണ ശിവദാസ് തുടങ്ങിയവരാണ് 'ഒരുപ്പോക്കൻ' സിനിമയിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഗോപിനാഥൻ പാഞ്ഞാൾ, സുജീഷ് മോൻ ഇ എസ് എന്നിവർ ചേർന്നാണ് ഈ ചിത്രത്തിന്റെ കഥ, തിരക്കഥ, സംഭാഷണം എഴുതിയത്.