ഹേമ കമ്മറ്റി റിപ്പോർട്ടിൻ ആദ്യ കേസ് രജിസ്‌റ്റര്‍ ചെയ്‌തു. കൊല്ലം സ്വദേശിയായ മേക്കപ്പ് ആർട്ടിസ്‌റ്റ്, മേക്കപ്പ് മാനേജർക്കെതിരെ നൽകിയ മൊഴിയിയുടെ അടിസ്ഥാനത്തിലാണ് കേസ്. പ്രത്യേക അന്വേഷണ സംഘത്തിന്‍റെ നിര്‍ദേശ പ്രകാരം പൊന്‍കുന്നം പൊലീസ്, രണ്ടാഴ്‌ച്ച മുമ്പാണ് മേക്കപ്പ് മാനേജര്‍ക്കെതിരെ കേസെടുത്ത്.
പൊൻകുന്നം പൊലീസ് രജിസ്‌റ്റര്‍ ചെയ്‌ത കേസ് പ്രത്യേക അന്വേഷണ സംഘത്തിന് കൈമാറി. കൊരട്ടി സ്വദേശി സജീവിനെതിരെയാണ് മേക്കപ്പ് ആര്‍ട്ടിസ്‌റ്റ് പരാതി നല്‍കിയത്. സജീവ് അപമര്യാദയായി പെരുമാറി എന്നാണ് പരാതി. 2013ല്‍ താമസ സ്ഥലത്ത് വെച്ചായിരുന്നു സംഭവമെന്നും യുവതി വെളിപ്പെടുത്തിയിരുന്നു.