ഹൈദരാബാദ്: നാല് വർഷത്തെ ദാമ്പത്യ ജീവിതത്തിന് ശേഷം നടാഷയുമായി വേർപിരിഞ്ഞ ഇന്ത്യൻ ക്രിക്കറ്റ് താരം ഹാർദിക് പാണ്ഡ്യ ബ്രിട്ടീഷ് ഗായിക ജാസ്‌മിൻ വാലിയയുമായി ഡേറ്റിങ്ങിലാണെ അഭ്യൂഹങ്ങൾ വ്യാപകമാവുകയാണ്. ഇരുവരും ഒരേ ബാക്ക്ഗ്രൗണ്ടുളള ചിത്രങ്ങൾ സമൂഹമാധ്യമത്തിൽ പങ്കുവച്ചതോടെയാണ് ഇത്തരം ചർച്ചകൾ ആരംഭിച്ചത്. ഈ പോസ്റ്റുകൾ കണ്ട ആരാധകർ സംശയം പ്രകടിപ്പിക്കുകയായിരുന്നു. സോഷ്യല്‍ മീഡിയയില്‍ ഉള്‍പ്പെടെ ചര്‍ച്ച പൊടിപൊടിക്കുന്നുണ്ടെങ്കിലും വിഷയത്തില്‍ താരങ്ങള്‍ ഇതുവരെ പ്രതികരിച്ചിട്ടില്ല.
നടാഷയിൽ നിന്നുമുളള വിവാഹമോചനം
ഹാർദിക് മുൻ ഭാര്യ നടാഷ സ്റ്റാൻകോവിച്ചുമായി അടുത്തിടെയാണ് വേർപിരിഞ്ഞത്. ജൂലൈ 18 ന് സമൂഹമാധ്യമമായ ഇൻസ്റ്റഗ്രാമിലൂടെയാണ് തങ്ങൾ വേർപിരിയുന്നുവെന്ന വിവരം ഇരുവരും പങ്കുവെച്ചത്.