മലയാളികളുടെ പ്രിയപ്പെട്ട നടൻ ദുൽഖർ സൽമാൻ നായകനായി എത്തുന്ന പാൻ ഇന്ത്യൻ ചിത്രമാണ് 'ലക്കി ഭാസ്കർ'. ആരാധകർ ഏറെ ആവേശത്തോടെ കാത്തിരിക്കുന്ന ഈ സിനിമയിലെ ആദ്യ ഗാനം പുറത്തുവന്നു. ദേശീയ അവാർഡ് ജേതാവായ സംഗീത സംവിധായകൻ ജി വി പ്രകാശ് കുമാർ ഈണമിട്ട 'മിണ്ടാതെ' എന്ന് തുടങ്ങുന്ന ഗാനമാണ് അണിയറ പ്രവർത്തകർ പുറത്തുവിട്ടത്.
മനം നിറയ്ക്കുന്ന ഈ മനോഹരമായ മെലഡി ആലപിച്ചിരിക്കുന്നത് യാസിൻ നിസാറും ശ്വേത മോഹനും ചേർന്നാണ്. വൈശാഖ് സുഗുണനാണ് ഗാനരചന. ഏതായാലും മികച്ച പ്രതികരണമാണ് സമൂഹ മാധ്യമങ്ങളിലൂടെ പാട്ടിന് ലഭിക്കുന്നത്.
മലയാളം, തെലുഗു, തമിഴ്, ഹിന്ദി എന്നീ 4 ഭാഷകളിലായി റിലീസിനൊരുങ്ങുന്ന 'ലക്കി ഭാസ്കർ വെങ്കി അട്ലൂരിയാണ് സംവിധാനം ചെയ്തിരിക്കുന്നത്. സെപ്റ്റംബർ 27ന് ഈ ചിത്രം തിയേറ്ററുകളിലെത്തും. ഒരു സാധാരണക്കാരന്റെ അവിശ്വസനീയമായ കഥ പറയുന്ന ചിത്രമാണ് ' ലക്കി ഭാസ്കർ' എന്നാണ് വിവരം.