വീഡിയോ: താരനിബിഡം അംബാനി കല്ല്യാണം; തിളങ്ങി സെലിബ്രിറ്റികള്‍ മുതല്‍ രാഷ്‌ട്രീയക്കാര്‍ വരെ - CELEBRITIES IN ANANT AMBANI WEDDING

റിലയൻസ് ഇ‍ൻഡസ്ട്രീസ് മേധാവി മുകേഷ് അംബാനിയുടെയും നിത അംബാനിയുടെയും ഇളയ മകൻ അനന്ത് അംബാനിയും രാധിക മെർച്ചൻ്റിൻ്റെയും വിവാഹത്തിന് വമ്പന്‍ താരനിരയാണ് എത്തിയത്.

ഹൈദരാബാദ് :അനന്ത് അംബാനിയുടെയും രാധിക മെർച്ചൻ്റിൻ്റെയും വിവാഹത്തിന് എത്തിയത് വൻ താരനിര. ആഗോള സെലിബ്രിറ്റികൾ, മുൻനിര ക്രിക്കറ്റ് താരങ്ങൾ, രാഷ്ട്രീയക്കാർ, ബോളിവുഡ്, ദക്ഷിണേന്ത്യൻ സിനിമകളിൽ നിന്നുളള പ്രമുഖർ എന്നിവർ പങ്കെടുത്തു.

കിം കർദാഷിയാൻ, ക്ലോ കർദാഷിയാൻ, നൈജീരിയൻ റാപ്പർ റെമ, മുൻ യുകെ പ്രധാനമന്ത്രി ടോണി ബ്ലെയർ, സൗദി അരാംകോ സിഇഒ അമിൻ നാസർ, സാംസങ് ഇലക്‌ട്രോണിക്‌സ് ചെയർമാൻ ജെയ് ലീ, ജിഎസ്‌കെ പിഎൽസി സിഇഒ എമ്മ വാംസ്‌ലി തുടങ്ങിയ പ്രമുഖർ ചടങ്ങിൽ പങ്കെടുത്തു. അമിതാഭ് ബച്ചൻ, ഷാരൂഖ് ഖാൻ, സൽമാൻ ഖാൻ, അജയ് ദേവ്ഗൺ, രൺബീർ കപൂർ, ആലിയ ഭട്ട്, ടൈഗർ ഷ്റോഫ്, വരുൺ ധവാൻ, ദക്ഷിണേന്ത്യൻ സൂപ്പർ താരങ്ങളായ രജനികാന്ത്, രാം ചരൺ, മഹേഷ് ബാബു, പൃഥ്വിരാജ് സുകുമാരൻ എന്നിവരുൾപ്പെടെ ബോളിവുഡിലെ പ്രമുഖരാൽ താരനിബിഡമായിരുന്നു വിവാഹം.

മുംബൈയിലെ ജിയോ കൺവെൻഷൻ സെൻ്ററിലാണ് പരമ്പരാഗത ഹിന്ദു ചടങ്ങിൽ ഇരുവരും വിവാഹിതരായത്. അലങ്കരിച്ച കാറില്‍ സുരക്ഷ ഉദ്യോഗസ്ഥരുടെ അകമ്പടിയോടെയാണ് അനന്ത് അംബാനി വിവാഹത്തിനെത്തിയത്. ബറാത്ത് കൺവെൻഷൻ സെൻ്ററിലാണ് വിവാഹം നടന്നത്. അബുജാനി സന്ദീപ് ഘോസ്‍ല ഒരുക്കിയ ലെഹങ്കയിൽ സുന്ദരിയായാണ് രാധിക എത്തിയത്. മൂന്ന് ദിവസം നീണ്ടുനിന്ന ആഘോഷങ്ങൾ വൻസ്വീകരണത്തിലാണ് അവസാനിച്ചത്.

ശനിയാഴ്‌ച ശുഭ് ആശിർവാദ് ദിനത്തിലെ വിരുന്നിൽ കേന്ദ്രമന്ത്രിമാരും വിവിധ സംസ്ഥാനങ്ങളിലെ മുഖ്യമന്ത്രിമാരും പങ്കെടുക്കും. എല്ലാ മുഖ്യമന്ത്രിമാരെയും ക്ഷണിച്ചിട്ടുണ്ട്. നാളെ മുംബൈയിൽ വിവിധ പരിപാടികൾക്കായെത്തുന്ന പ്രധാനമന്ത്രി നരേന്ദ്ര മോദിയും ചടങ്ങിൽ പങ്കെടുത്തേക്കും. തിങ്കളാഴ്‌ച മംഗൾ ഉത്സവ് ദിനത്തിൽ ബോളിവുഡ് താരനിര അണിനിരക്കും. രാഷ്ട്രീയ നേതാക്കളും അതിഥി പട്ടികയിലുണ്ട്.

റിലയൻസിൻ്റെ ഊർജ സംരംഭങ്ങളിലും റിലയൻസ് ഫൗണ്ടേഷനിലും സജീവമായി പ്രവർത്തിക്കുന്ന അനന്ത്, മുകേഷ് അംബാനിയുടെ മൂന്ന് മക്കളിൽ ഇളയവനാണ്. മുൻ ഇന്ത്യൻ രാഷ്ട്രപതി രാംനാഥ് കോവിന്ദ്, പ്രതിരോധ മന്ത്രി രാജ്‌നാഥ് സിങ്, വിവിധ സംസ്ഥാനങ്ങളിലെ മുഖ്യമന്ത്രിമാർ എന്നിവരുൾപ്പെടെയുള്ള പ്രമുഖരും ചടങ്ങിൽ പങ്കെടുത്തു.