സംസ്ഥാനത്തെ പച്ചക്കറി വിലയില്‍ നേരിയ ഏറ്റക്കുറച്ചിലുകള്‍. മുരിങ്ങ, വെളുത്തുള്ളി എന്നിവയുടെ വിലയാണ് വിപണിയില്‍ ഉയര്‍ന്നു നില്‍ക്കുന്നത്. കഴിഞ്ഞ ദിവസം മുരിങ്ങ വില 400 ആയിരുന്ന കോഴിക്കോട് ഇന്ന് 100 രൂപയുടെ കുറവുണ്ടായി. ഇന്ന് കിലോയ്‌ക്ക് 300 രൂപയാണ് കോഴിക്കോട്ടെ വില. അതേസമയം കാസര്‍കോട് ഇന്നലെ 300 ആയിരുന്ന മുരിങ്ങയ്‌ക്ക് ഇന്ന് വില വര്‍ധിച്ചു. കിലോയ്‌ക്ക് 360 രൂപയാണ് ഇന്നത്തെ നിരക്ക്. കാരറ്റ്, ചെറുനാരങ്ങ, ഇഞ്ചി എന്നിവയ്‌ക്കെല്ലാം കിലോയ്‌ക്ക് 100 രൂപയ്‌ക്ക് മുകളിലാണ് വിവിധ കേന്ദ്രങ്ങളിലെ വില. അതേസമയം തക്കാളി, വഴുതന, പടവലം തുടങ്ങിയ പച്ചക്കറികള്‍ക്കാണ് വിപണിയില്‍ ഏറ്റവും വില കുറവ്.
