സുപോൾ :ബിഹാറിലെ സുപോളിൽ നിർമിക്കുന്ന രാജ്യത്തെ ഏറ്റവും വലിയ ബക്കൂർ പാലം തകർന്നു (Under-Construction Bridge Collapses In Bihar). പാലത്തിന്‍റെ മൂന്ന് തൂണുകൾ അടർന്നുവീണതായാണ് വിവരം. ഇന്ന് (22-03-2024) രാവിലെ ഏഴ് മണിയോടെയാണ് സംഭവം നടന്നതെന്നാണ് സൂചന.
നിരവധി തൊഴിലാളികൾ മണ്ണിനടിയിലായി. അപകടത്തില്‍ തൊഴിലാളികളിലൊരാൾ മരിച്ചു, നിരവധി പേർക്ക് പരിക്കേറ്റു. രക്ഷാപ്രവർത്തനം തുടരുകയാണെന്ന് അധികൃതർ അറിയിച്ചു. 1200 കോടി രൂപയാണ് ബക്കൂർ പാലത്തിന്‍റെ നിർമാണച്ചിലവ്. ഏകദേശം 10.2 കിലോമീറ്റർ നീളമുള്ള പാലം ആകെ 171 തൂണുകളിലായാണ് നിലയുറപ്പിക്കുക. അതിൽ 150 എണ്ണം മാത്രമാണ് ഇതുവരെ നിർമിച്ചിട്ടുള്ളത്. ഈ മെഗാ പാലം നിർമിക്കുന്നതോടെ സുപോളിനും മധുബനിക്കുമിടയിലുള്ള ദൂരം 30 കിലോമീറ്ററായി കുറയും.