ന്യൂഡൽഹി: ഒടിടി പ്ലാറ്റ്ഫോമുകളില് വരുന്ന നഗ്നത ഉള്‍പ്പെടുന്ന ഉള്ളടക്കങ്ങള്‍ നിയന്ത്രിക്കാന്‍ സെന്‍സര്‍ ബോര്‍ഡിനെയാണ് സമീപിക്കേണ്ടതെന്ന് സുപ്രീം കോടതി. ഒടിടി പ്ലാറ്റ്ഫോമുകളില് പ്രദര്‍ശിപ്പിക്കുന്ന നഗ്നത ഉള്‍പ്പെടുന്നതും അനുചിതവുമായ ഉള്ളടക്കങ്ങള്‍ നിയന്ത്രിക്കണമെന്ന് ആവശ്യപ്പെട്ട് നല്‍കിയ ഹര്‍ജിയിലാണ് കോടതിയുടെ നിര്‍ദേശം.
എല്ലാ പ്രായത്തിലുമുള്ള കാഴ്‌ചക്കാർക്ക് അനുയോജ്യമല്ലാത്ത ഉള്ളടക്കങ്ങൾ പ്രസിദ്ധീകരിക്കാനോ പ്രദര്‍ശിപ്പിക്കാനോ ഒടിടി പ്ലാറ്റ്‌ഫോമുകളെ അനുവദിക്കാമോ എന്നതാണ് ഹർജിയിൽ ഉന്നയിക്കുന്ന പ്രശ്‌നം എന്ന് ഹര്‍ജിക്കാരന് വേണ്ടി ഹാജരായ അഭിഭാഷകന്‍ കോടതിയില്‍ പറഞ്ഞു. ഒടിടി പ്ലാറ്റ്‌ഫോമുകളിൽ യാതൊരു നിയന്ത്രണവുമില്ലാതെ നഗ്നത ചിത്രീകരിക്കുന്ന അനുചിതമായ ദൃശ്യങ്ങൾ കാണിക്കുന്നതായും അഭിഭാഷകൻ ആരോപിച്ചു.