ഹൈദരാബാദ് : നഗരത്തില്‍ അത്തറിന്‍റെ മണം പരത്തി വിശുദ്ധ റംസാന്‍. ഉത്സവങ്ങളിലും വിവാഹ സീസണുകളിലും അത്തറിന് ആവശ്യക്കാരുണ്ടെങ്കിലും റംസാൻ മാസത്തിൽ വ്യത്യസ്‌ത സുഗന്ധം തേടിയെത്തുന്നവര്‍ ഏറെയാണ്‌. നൂറ്റാണ്ടുകളായി ചാർമിനാറിനു സമീപം നിരവധി വ്യാപാരസ്ഥാപനങ്ങൾ പ്രവർത്തിക്കുന്നുണ്ട്.
അഞ്ഞൂറിലധികം അത്തറുകൾ ഇവിടെ ലഭ്യമാണ്. ചില കടകൾ 150 വർഷമായി പ്രവർത്തിച്ചു വരുന്നു. നാലാം തലമുറക്കാരാണ് ഇപ്പോൾ ഇവിടങ്ങളില്‍ കച്ചവടം നടത്തുന്നത്.
1896 ൽ ബുർഹാൻപൂരിൽ നിന്ന് ഹൈദരാബാദിലേക്ക് കുടിയേറി, പഴയ പട്ടണത്തിൽ താമസമാക്കിയ രൺ ദാസിന്‍റെ പക്കല്‍ 500 ലധികം തരം അത്തറുകൾ ലഭ്യമാണ്. പ്രകൃതിദത്തമായ റെഡിമെയ്‌ഡ്‌ അത്തറുകളും സിന്തറ്റിക് അത്തറുകളും ഇവിടെയുള്ള കടകളിൽ വില്‍പ്പനയ്‌ക്കുണ്ട്. 10 മില്ലി ലിറ്ററിന് 160 മുതൽ 4000 രൂപ വരെ വിലയുള്ള അത്തറുകൾ, ഈ ഉത്സവ സീസണിൽ വേഗത്തിലാണ് വിറ്റഴിക്കുന്നതെന്ന് വ്യാപാരികൾ പറയുന്നു.