ബിര്‍ഭും (പശ്ചിമ ബംഗാള്‍) : ഭാരത് ജോഡോ ന്യായ് യാത്രയ്‌ക്കിടെ രാഹുല്‍ ഗാന്ധിയുടെ വാഹനവ്യൂഹത്തിലെ ആംബുലന്‍സ് അപകടത്തില്‍ പെട്ടു (Rahul Gandhi s convoy hit by car in Birbhum). ആംബുലന്‍സ്, അഡിഷണല്‍ പൊലീസ് സൂപ്രണ്ടിന്‍റെയും എസ്ഒജി ഒസിയുടെയും കാറില്‍ ഇടിച്ചാണ് അപകടം. യാത്ര ജാര്‍ഖണ്ഡിലേക്ക് കടക്കാനിരിക്കെയാണ് സംഭവം. പിന്നാലെ ആംബുലന്‍സ് ഡ്രൈവര്‍മാരെ പൊലീസ് കസ്റ്റഡിയില്‍ എടുത്തു.
കോണ്‍ഗ്രസ് എംപി രാഹുല്‍ ഗാന്ധിയുടെ ഭാരത് ജോഡോ ന്യായ് യാത്ര പശ്ചിമ ബംഗാളില്‍ അഞ്ചാം ദിവസം പര്യടനം നടത്തുന്നതിനിടെയാണ് ആംബുലന്‍സ് അപകടത്തില്‍ പെട്ടത്. സംസ്ഥാനത്ത് സെക്കന്‍ഡറി പരിക്ഷകള്‍ ഇന്ന് ആരംഭിച്ചതിനാല്‍ ന്യായ് യാത്രയ്‌ക്ക് ബിര്‍ഭും ജില്ല പൊലീസ് അനുമതി നല്‍കിയിരുന്നില്ല. തുടര്‍ന്ന് രാഹുല്‍ ഗാന്ധിയും ജയറാം രമേശും അധീര്‍ രഞ്ജന്‍ ചൗധരിയും 55 കിലോമീറ്ററോളം വാഹനവ്യൂഹം ഇല്ലാതെയാണ് പര്യടനം നടത്തിയത്.