ബാരാമുള്ള :വടക്കന്‍ കശ്‌മീരിലെ ബാരാമുള്ള ജില്ലയില്‍ ഉണ്ടായ ഏറ്റുമുട്ടലില്‍ തീവ്രവാദി കൊല്ലപ്പെട്ടു. സോപോര്‍ മേഖലയില്‍ വാട്ടര്‍ഗാമില്‍ സുരക്ഷ സേനയും തീവ്രവാദികളും തമ്മിലുണ്ടായ ഏറ്റുമുട്ടലിലാണ് തീവ്രവാദി കൊല്ലപ്പെട്ടത് എന്ന് ഉദ്യോഗസ്ഥര്‍ അറിയിച്ചു.
ഏറ്റുമുട്ടലിന് പിന്നാലെ സുരക്ഷ സേന പ്രദേശത്ത് തെരച്ചില്‍ ആരംഭിച്ചു. മേഖലയില്‍ സുരക്ഷ ശക്തമാക്കിയിട്ടുണ്ടെന്നും തെരച്ചില്‍ തുടരുകയാണെന്നും കശ്‌മീര്‍ പൊലീസ് അറിയിച്ചു.
'സോപോറിലെ വാട്ടര്‍ഗാം മേഖലയില്‍ വെടിവയ്‌പ്പ്. സുരക്ഷ സേന തിരിച്ചടിച്ചു. പ്രദേശം വളഞ്ഞ് തെരച്ചില്‍ തുടരുന്നു. കൂടുതല്‍ വിവരങ്ങള്‍ പിന്നാലെ പങ്കിടും' -ജമ്മു കശ്‌മീര്‍ പൊലീസ് എക്‌സില്‍ കുറിച്ചു.