ന്യൂഡല്‍ഹി : രാജ്യത്തെ ന്യായാധിപന്‍മാരുടെ അംഗസംഖ്യയില്‍ ആശങ്ക പ്രകടിപ്പിച്ച് സുപ്രീം കോടതി ബാര്‍ അസോസിയേഷന്‍ അധ്യക്ഷന്‍ കപില്‍ സിബല്‍. ജഡ്‌ജിമാരുടെ അനുപാതം രാജ്യത്ത് വളരെ കുറവാണെന്നും അദ്ദേഹം ചൂണ്ടിക്കാട്ടി.
ജില്ല ജുഡീഷ്യറിയുടെ രണ്ട് ദിവസത്തെ ദേശീയ കോണ്‍ഫറന്‍സിന്‍റെ ഉദ്ഘാടന ചടങ്ങില്‍ സംസാരിക്കുകയായിരുന്നു അദ്ദേഹം. ഭാരത് മണ്ഡപത്തില്‍ പ്രധാനമന്ത്രി നരേന്ദ്ര മോദി ആയിരുന്നു പരിപാടിയുടെ ഉദ്ഘാടകന്‍. സുപ്രീം കോടതിയുടെ എഴുപത്തിയഞ്ചാം വാര്‍ഷികത്തോട് അനുബന്ധിച്ചുള്ള സ്‌മാരക നാണയവും സ്റ്റാമ്പും പ്രധാനമന്ത്രി പുറത്തിറക്കി. വിചാരണ കോടതി, ജില്ല-സെഷന്‍സ് എന്നീ തലങ്ങളില്‍ വന്‍തോതില്‍ കേസുകള്‍ കെട്ടിക്കിടക്കുന്നു. ഭയമോ പക്ഷപാതമോ കൂടാതെ നീതി നിര്‍വഹിക്കുന്നതിന് വിചാരണക്കോടതികളും, ജില്ലാ- സെഷന്‍ കോടതികളും കൂടുതല്‍ ശാക്തികരിക്കപ്പെടേണ്ടതുണ്ട്.