ചെന്നൈ : ഐപിഎല്‍ ടിക്കറ്റ് കരിഞ്ചന്തയില്‍ വിറ്റ കേസില്‍ 12 പേര്‍ ചെന്നൈയില്‍ അറസ്റ്റില്. ചെന്നൈ സൂപ്പര്‍ കിങ്സ് ലഖ്‌നൗ സൂപ്പര്‍ ജയന്‍റ്‌സ് മത്സരത്തിന്‍റെ ടിക്കറ്റുകള്‍ ചെപ്പോക്ക് ക്രിക്കറ്റ് സ്‌റ്റേഡിയത്തിന് പുറത്ത് വിറ്റവരാണ് അറസ്‌റ്റിലായത്. ഇവരിൽ നിന്ന് 56 ടിക്കറ്റുകളും പൊലീസ് പിടിച്ചെടുത്തു.
ഇവര്‍ക്കെതിരെ പത്തോളം വകുപ്പുകള്‍ ചുമത്തി കേസെടുത്തു. ഇവരെ ചോദ്യം ചെയ്ത ശേഷം തിരുവല്ലിക്കേണി പൊലീസ് ജാമ്യത്തിൽ വിട്ടു. കരിഞ്ചന്തയില്‍ ടിക്കറ്റ് വിൽപന നടത്തുന്നവർക്കെതിരെ കർശന നടപടി സ്വീകരിക്കുമെന്ന് പൊലീസ് അറിയിച്ചു.