യുഎസിലെ ഇന്ത്യന്‍ വിദ്യാർഥികള്‍ കടുത്ത സാമ്പത്തിക പ്രതിസന്ധിയിൽ; 'ചെലവിനുള്ള തുക ഇന്ത്യയിൽ നിന്നയക്കണം'

ക്യാമ്പസിന് പുറത്ത് ജോലി ചെയ്യുന്ന വിദ്യാർഥികൾക്കെതിരെ ഇമിഗ്രേഷൻ അധികൃതർ കർശന നിയന്ത്രണവും ഏർപ്പെടുത്തി.

ഹൈദരാബാദ്:യുഎസ് സ്‌റ്റുഡൻ്റ് വിസയിലുള്ളവരുടെ ഓഫ് കാമ്പസ് പാർട്ട് ടൈം ജോലി നിർത്തലാക്കിയതോടെ ആയിരക്കണക്കിന് ഇന്ത്യൻ വിദ്യാർഥികള്‍ പ്രതിസന്ധിയിൽ. പുതിയ നിയമം വിദ്യാർഥികളെ വലിയ സാമ്പത്തിക പ്രതിസന്ധിയിലേക്കാണ് തള്ളി വിടുന്നത്. ഇതോടെ വിദ്യാർഥികള്‍ക്ക് പൂർണമായും വീട്ടുകാരെ ആശ്രയിക്കേണ്ട അവസ്ഥയാണ്.

ക്യാമ്പസിന് പുറത്ത് ജോലി ചെയ്യുന്ന വിദ്യാർഥികൾക്കെതിരെ ഇമിഗ്രേഷൻ അധികൃതർ കർശന നിയന്ത്രണം ഏർപ്പെടുത്തി. യുഎസ് ഇമിഗ്രേഷൻ ഉദ്യോഗസ്ഥർ കാമ്പസിന് പുറത്ത് പാർട്ട് ടൈം ജോലി ചെയ്യുന്ന വിദ്യാർഥികളെ അടിച്ചമർത്തുകയാണ്. പിടിക്കപ്പെട്ടാൽ നാടുകടത്തൽ ഉറപ്പാണ്. ജോലി നിർത്തുകയല്ലാതെ മറ്റ് മാർഗമില്ല. പ്രതിമാസ ചെലവുകൾക്കായി കുടുംബത്തെ ആശ്രയിക്കേണ്ട അവസ്ഥയാണെന്നും ടെക്‌സാസിൽ എംഎസ് പഠിക്കുന്ന തെലങ്കാനയിലെ കുക്‌ടക്‌പള്ളി സ്വദേശി പറഞ്ഞു.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക

യുഎസ് എഫ്-1 വിസ നിയമങ്ങൾ പ്രകാരം വിദ്യാർഥികൾക്ക് ആഴ്‌ചയിൽ 20 മണിക്കൂറും അവധിക്കാലത്ത് 40 മണിക്കൂറും വരെ ജോലി ചെയ്യാം. ഓൺ-കാമ്പസ് ജോലികൾക്ക് വേതനം കുറവാണ്. സൂപ്പർമാർക്കറ്റുകൾ, ഗ്യാസ് സ്‌റ്റേഷനുകൾ, റെസ്‌റ്റോറൻ്റുകൾ എന്നിവയിൽ ഓഫ്-കാമ്പസ് ജോലികള്‍ക്ക് വേതനം കൂടുതൽ ലഭിക്കും. ഈ പാർട്ട് ടൈം ജോലികളിലൂടെ ട്യൂഷൻ ഫീസിനും ജീവിതച്ചെലവിനും പണം കണ്ടെത്താൻ കഴിയും. എന്നാൽ പ്രതിമാസം 50,000 മുതൽ 80,000 രൂപ വരെ വരുമാനമുള്ള മാതാപിതാക്കള്‍ക്ക് നിലവിലെ നിയമം വലിയ സാമ്പത്തിക പ്രതിസന്ധിയുണ്ടാക്കും.

എച്ച്-1 ബി വിസ പുതുക്കാത്തതിനെ തുടർന്ന് ജോലി നഷ്‌ടപ്പെട്ടു. ഓപ്ഷണൽ പ്രാക്‌ടിക്കൽ ട്രെയിനിംഗിൽ ജോലി കണ്ടെത്താൻ കഴിയാത്തതിനാൽ പാർട്ട് ടൈം ജോലി ചെയ്യുകയായിരുന്നു. എന്നാൽ നിയമം കർശനമാക്കിയതോടെ കടുത്ത സാമ്പത്തിക പ്രതിസന്ധിയാണെന്നും മറ്റ് ചിലർ പറയുന്നു. യുഎസ് ഗവൺമെൻ്റിൻ്റെ ഓപ്പൺ ഡോർസ് റിപ്പോർട്ട് (2023-24) അനുസരിച്ച് അമേരിക്കൻ സർവകലാശാലകളിലെ ഇന്ത്യൻ സാന്നിധ്യം വളരെ വലുതാണ്. 1.126 ദശലക്ഷം വിദേശ വിദ്യാർഥികളിൽ 3.3 ലക്ഷം പേർ ഇന്ത്യക്കാരാണ്. ആകെയുള്ളതിൻ്റെ 30% ആണ് ഇത്. അവരിൽ 56% പേരും തെലുങ്ക് സംസ്ഥാനങ്ങളിൽ നിന്നുള്ളവരാണ്.

അതേസമയം പലരും പെട്ടെന്നു ജോലി ഉപേക്ഷിച്ചതോടെ ബിസിനസിനെ ബാധിച്ചുവെന്ന് പ്രാദേശിക ബിസിനസുകാർ പറയുന്നു. പലരും പെട്ടെന്നു ജോലി ഉപേക്ഷിച്ചതോടെ ബിസിനസുകൾ തകർന്നുകൊണ്ടിരിക്കുകയാണ്. ഒരു റെസ്‌റ്റോറൻ്റിൽ 10 ജീവനക്കാരുണ്ടെങ്കിൽ, അവരിൽ 7-8 പേർ പാർട്ട് ടൈം ജോലി ചെയ്യുന്ന വിദ്യാർഥികളാണെന്നും ഇവർ പറയുന്നു.