കശ്‌മീര്‍ :ബനിഹാലിലുണ്ടായ കനത്ത മഞ്ഞുവീഴ്‌ചയിൽ എൻഎച്ച് 44ല്‍ കുടുങ്ങിയ, രാജസ്ഥാൻ ലോ കോളജിലെ വിദ്യാർത്ഥികളടക്കം നിരവധി പേരെ ഇന്ത്യൻ സൈന്യം രക്ഷപ്പെടുത്തി. ഫെബ്രുവരി 21-ന് പ്രതികൂല കാലാവസ്ഥയെ തുടർന്നുണ്ടായ മണ്ണിടിച്ചിലിലും കനത്ത മഞ്ഞുവീഴ്‌ചയിലും നിരവധി യാത്രക്കാര്‍ എന്‍എച്ച് 44 ഹൈവേയിൽ കുടുങ്ങിയിരുന്നു.
ഉദയ്‌പൂര്‍ മോഹൻലാൽ സുഖാദിയ യൂണിവേഴ്‌സിറ്റിയിലെ ലോ കോളജ് വിദ്യാർത്ഥികളും ജീവനക്കാരുമാണ് ഹൈവേയില്‍ കുടുങ്ങിയത്. 74 വിദ്യാർത്ഥികളും 7 യൂണിവേഴ്‌സിറ്റി ജീവനക്കാരുമടങ്ങുന്ന സംഘം ഹിമപാതത്തില്‍ അകപ്പെടുകയായിരുന്നു. ബനിഹാലിലെ ഇന്ത്യൻ സൈന്യമാണ് ഇവരെ രക്ഷപ്പെടുത്തി സുരക്ഷിത സ്ഥാനത്തേക്ക് മാറ്റിയത്.