ഹൈദരാബാദ് :ഇന്ന് ഫെബ്രുവരി 21, ലോക മാതൃഭാഷ ദിനം (International Mother Language Day 2024). ലോകമെമ്പാടുമുള്ള ജനത അവരുടെ മാതൃഭാഷയ്‌ക്കായി മാറ്റി വച്ചിരിക്കുന്ന ഒരു ദിനം. ആളുകളെ ബന്ധിപ്പിക്കുന്നതിനും ലോകമെമ്പാടുമുള്ള സമൂഹങ്ങളെ സമ്പന്നമാക്കുന്നതിനും സാംസ്‌കാരിക വൈവിധ്യത്തെ പ്രതിഫലിപ്പിക്കുന്നതിനുമുള്ള ഭാഷയുടെ പ്രാധാന്യം വളരെ വലുതാണ്. വ്യക്തികളെ പരസ്‌പരം ബന്ധിപ്പിക്കാൻ സഹായിക്കുന്ന ഒന്നാണ് ഭാഷ.
രാജ്യങ്ങൾക്കുള്ളിൽ സംസാരിക്കുന്ന ഭാഷകളുടെ പ്രത്യേകത തിരിച്ചറിയുന്നതിനും, ഭാഷാപരമ്പര്യത്തെക്കുറിച്ചുള്ള ആഴത്തിലുള്ള ധാരണ പ്രോത്സാഹിപ്പിക്കുന്നതിനും ഈ ദിനത്തിന് പ്രത്യേക പ്രാധാന്യമുണ്ട്.
ഭാഷാവൈവിധ്യം :10,000 ത്തിലധികം ആളുകൾ സംസാരിക്കുന്ന 122 ഭാഷകളും ഒരു ദശലക്ഷത്തിലധികം ആളുകൾ സംസാരിക്കുന്ന 29 ഭാഷകളുമുള്ള ഇന്ത്യ ഭാഷ വൈവിധ്യത്തിന്‍റെ സാക്ഷ്യപത്രമായി നിലകൊള്ളുന്നു. ഈ വൈവിധ്യം രാജ്യത്തിന്‍റെ സാംസ്‌കാരിക സമ്പന്നതയെ പ്രതിഫലിപ്പിക്കുന്നു. മാത്രമല്ല ഊർജസ്വലമായ ഭാഷാശാസ്‌ത്രത്തിന് സംഭാവനയും നൽകുന്നു. ഹിന്ദി, ഇംഗ്ലീഷ്, ബംഗാളി, പഞ്ചാബി, അറബിക്, ജാപ്പനീസ്, റഷ്യൻ, പോർച്ചുഗീസ്, മന്ദാരിൻ, സ്‌പാനിഷ് എന്നിവയുൾപ്പെടെ സംസാരിക്കുന്ന നിരവധി ഭാഷകൾ, കമ്മ്യൂണിറ്റികളെ പരസ്‌പരം ബന്ധിപ്പിക്കുന്ന ആശയവിനിമയത്തിന്‍റെ സങ്കീർണതയെ സൂചിപ്പിക്കുന്നു.
ചരിത്രപരമായ വേരുകൾ :ബംഗ്ലാദേശില്‍ നിന്നാണ് അന്താരാഷ്ട്ര മാതൃഭാഷ ദിനം ആചരിക്കാനുള്ള ആശയം യുനസ്‌കോയുടെ മുന്നിലെത്തിയത്. 1952 ഫെബ്രുവരി 21 ന് കിഴക്കൻ പാക്കിസ്ഥാനിലെ വിദ്യാർഥികളും ആക്‌ടിവിസ്‌റ്റുകളും ഉറുദു മാത്രം ഔദ്യോഗിക ഭാഷയായി അടിച്ചേൽപ്പിക്കാനുള്ള പാകിസ്ഥാൻ സർക്കാരിന്‍റെ തീരുമാനത്തിൽ പ്രതിഷേധിച്ചു. തുടർന്നുണ്ടായ അക്രമത്തില്‍, പ്രകടനക്കാർക്ക് നേരെ പൊലീസ് വെടിയുതിർത്തു. ഇത് കിഴക്കൻ പാകിസ്ഥാന്‍റെ സ്വാതന്ത്ര്യത്തിനായുള്ള പോരാട്ടത്തിൽ ഒരു വഴിത്തിരിവായി. 1999 ൽ, ഈ ചരിത്ര സംഭവങ്ങളോട് പ്രതികരിച്ചുകൊണ്ട്, യുനെസ്കോ ഫെബ്രുവരി 21 അന്താരാഷ്ട്ര മാതൃഭാഷാ ദിനമായി പ്രഖ്യാപിച്ചു. ബംഗ്ലായെ ഒരു ഭാഷയായി അംഗീകരിക്കണമെന്നാവശ്യപ്പെട്ട് ബംഗ്ലാദേശികൾ നടത്തിയ പോരാട്ടത്തിന്‍റെ വാർഷികമാണ് ഫെബ്രുവരി 21.
തീം 2024 : "ബഹുഭാഷാ വിദ്യാഭ്യാസം : വിദ്യാഭ്യാസത്തെ പരിവർത്തനം ചെയ്യേണ്ടതിന്‍റെ ആവശ്യകത"ആണ് അന്താരാഷ്ട്ര മാതൃഭാഷ ദിനം 2024 ന്‍റെ തീം. ഇത് ദ്വിഭാ വിദ്യാഭ്യാസ നയങ്ങൾ നടപ്പിലാക്കുന്നതിന്‍റെ പ്രാധാന്യം എടുത്തുകാണിക്കുന്നു. അന്തർദേശീയ ഭാഷാ ദശകം (2022–2032), സുസ്ഥിര വികസന ലക്ഷ്യങ്ങൾ എന്നിവയുൾപ്പെടെ വിശാലമായ ആഗോള ലക്ഷ്യങ്ങളുമായി ഈ തീം യോജിപ്പിക്കുന്നു. ഉൾക്കൊള്ളുന്നതും ഉയർന്ന നിലവാരമുള്ളതുമായ വിദ്യാഭ്യാസത്തിനും ആജീവനാന്ത പഠനത്തിനും ഇത് ഊന്നൽ നൽകുന്നു. വിദ്യാഭ്യാസ സംവിധാനങ്ങൾക്കുള്ളിൽ ഭാഷ വൈവിധ്യത്തെ വിലമതിക്കുന്ന ഒരു അന്തരീക്ഷം പ്രോത്സാഹിപ്പിക്കേണ്ടതിന്‍റെ ആവശ്യകതയെ പറ്റിയും ഇത് പറയുന്നു.
ഭാഷയിലെ 'ഇന്ത്യന്‍ സമ്പന്നത' : ഇന്ത്യൻ എക്‌സ്‌പ്രസിന്‍റെ 2018 ലെ ഒരു റിപ്പോർട്ടില്‍, 19,500-ലധികം ഭാഷകളോ ഉപഭാഷകളോ മാതൃഭാഷകളായി ഇന്ത്യയിൽ സംസാരിക്കുന്നു എന്നത് അതിശയിപ്പിക്കുന്ന വസ്‌തുതയായി വെളിപ്പെടുത്തുന്നു. സമ്പന്നമായ ഈ ഭാഷ പൈതൃകം സംരക്ഷിക്കേണ്ടതിൻ്റെ പ്രാധാന്യത്തെ കുറിച്ചും പറയുന്നുണ്ട്. രാജ്യത്തിൻ്റെ സാമൂഹിക ഘടനയിൽ നെയ്തെടുത്ത സങ്കീർണ്ണമായ ഭാഷ ഘടനയെ ഈ സ്ഥിതിവിവരക്കണക്ക് എടുത്തുകാണിക്കുന്നു.
ആഗോള ഭാഷ വൈവിധ്യം :അതിർത്തികൾക്കപ്പുറത്തേക്ക് നോക്കുമ്പോൾ, ആഗോള ഭാഷാപരമായ ഭൂപ്രകൃതി ഒരുപോലെ വൈവിധ്യപൂർണ്ണമാണ്. ഇംഗ്ലീഷ്, ജാപ്പനീസ്, സ്‌പാനിഷ്, ഹിന്ദി, ബംഗാളി, റഷ്യൻ, പഞ്ചാബി, പോർച്ചുഗീസ്, അറബിക് എന്നിങ്ങനെ ലോകമെമ്പാടും ഏകദേശം 6,900 ഭാഷകൾ സംസാരിക്കുന്നു. എന്നിരുന്നാലും, ഈ ഭാഷകളിൽ 90 ശതമാനവും സംസാരിക്കുന്ന ആളുകളുടെ എണ്ണം ഒരു ലക്ഷത്തിൽ താഴെയാണെന്നത് ശ്രദ്ധേയമാണ്, ഇത് പല ഭാഷകളുടെയും ദുർബലതയെ ആണ് ചൂണ്ടിക്കാണിക്കുന്നത്.
'മര്‍ത്യന്നു പെറ്റമ്മ തന്‍ ഭാഷ താന്‍': മാതൃഭാഷ കേവലമായ ഒരു ആശയവിനിമയ രീതി മാത്രമല്ല, അത് ഐഡൻ്റിറ്റിയുടെ ഒരു അടിസ്ഥാന വശമാണ്. "നിങ്ങൾ ആരാണ്?" എന്ന് പ്രതിഫലിപ്പിക്കുന്ന ഒരു കണ്ണാടിയായി ഇത് പ്രവർത്തിക്കുന്നു. പദവി, താമസം, ബന്ധം, ഭാഷ എന്നിവ നാല് പ്രധാന വ്യത്യസ്‌ത ഘടകങ്ങളായി വേറിട്ടുനിൽക്കുന്നവയാണ്. ഈ വിവിധ ഘടകങ്ങൾ ഒരു വ്യക്തിയുടെ ഐഡൻ്റിറ്റിയെയാണ് സൂചിപ്പിക്കുന്നത്.