ബെംഗളൂരു : കർണാടകയിലെ രാമേശ്വരം കഫേയിൽ ഇന്നുണ്ടായ ഐഇഡി (ഇമ്പ്രോവൈസ്‌സ് എക്‌സ്‌പ്ലോസീവ് ഡിവൈസ്) സ്ഫോടനത്തിൽ ഒമ്പത് പേർക്ക് പരിക്ക്. ഫയർഫോഴ്‌സും ബെംഗളൂരു പൊലീസും ചേർന്ന് തീ അണയ്ക്കാനുള്ള ശ്രമം തുടർന്നുകയാണ്.
കുന്ദനഹള്ളിയിലെ രാമേശ്വരം കഫേയിലുണ്ടായ സ്ഫോടനത്തെ തുടർന്ന് വലിയ തീപിടുത്തമാണ് ഉണ്ടായത്. നഗരത്തിലെ തിരക്കേറിയ പ്രമുഖ ഭക്ഷണശാലയാണ് രാമേശ്വരം കഫേ. പ്രദേശത്തെ തൊഴിലാളികളും ജീവനക്കാരും ഉച്ചഭക്ഷണം കഴിക്കാനെത്തിയ സമയത്താണ് സ്ഫോടനമുണ്ടായത്.
രാമേശ്വരം കഫേയിൽ സിലിണ്ടർ പൊട്ടിത്തെറിച്ചതായി വിവരം ലഭിച്ചയുടൻ തന്നെ ഫയർ എഞ്ചിൻ സ്ഥലത്തെത്തി രക്ഷാപ്രവർത്തനങ്ങൾ ആരംഭിച്ചിരുന്നു. സ്ഫോടന കാരണം സിലിണ്ടർ പൊട്ടിത്തെറിച്ചാതാണെന്നാണ് പ്രാഥമിക നിഗമനം.