ഷാജഹാന്‍പൂര്‍: പ്രണയബന്ധത്തെ വീട്ടുകാര്‍ എതിര്‍ത്തിതിനെ തുടര്‍ന്ന് ബന്ധുക്കളായ കമിതാക്കള്‍ ആത്മഹത്യ ചെയ്‌തു. ഉത്തര്‍പ്രദേശിലെ ഷാജഹാന്‍പൂരിലാണ് സംഭവം. വെള്ളിയാഴ്ച അസ്‌തോളി ഗ്രാമത്തിലാണ് യുവതിയെയും യുവാവിനെയും ജീവനൊടുക്കിയ നിലയില്‍ കണ്ടെത്തിയത്.
കുല്‍ദീപ്(20) എന്ന യുവാവ് ബന്ധുവായ പതിനെട്ടുകാരിയുമായി പ്രണയത്തിലായിരുന്നു. വിവരമറിഞ്ഞ വീട്ടുകാര്‍ ഈ ബന്ധത്തെ എതിര്‍ത്തു. മാസങ്ങള്‍ക്ക് മുമ്പ് കുല്‍ദീപിനെക്കൊണ്ട് വീട്ടുകാര്‍ വേറെ വിവാഹം കഴിപ്പിച്ചു. പെണ്‍കുട്ടിയുടെ വിവാഹവും നിശ്‌ചയിച്ചു. അടുത്തമാസമാണ് ഇത് നടക്കേണ്ടിയിരുന്നതെന്നും അഡീഷണല്‍ പൊലീസ് സൂപ്രണ്ട് മനോജ് കുമാര്‍ അവസ്‌തി പറഞ്ഞു.