അഹമ്മദാബാദ്:പൈതൃകത്തെ പരിപോഷിപ്പിക്കാത്ത ഒരു രാജ്യത്തിന് ഭാവിയും പ്രതീക്ഷയറ്റതാകുമെന്ന് പ്രധാനമന്ത്രി നരേന്ദ്രമോദി. ദണ്ഡിയാത്രയുടെ 94-ാം വാര്‍ഷികത്തോട് അനുബന്ധിച്ച് ഗുജറാത്തിലെ അഹമ്മദാബാദിലുള്ള സബര്‍മതിയില്‍ 1200 കോടി രൂപയുടെ ഗാന്ധി ആശ്രമ സ്മാരക മാസ്റ്റര്‍പ്ലാന്‍ ഉദ്ഘാടനം ചെയ്യുകയായിരുന്നു അദ്ദേഹം. പുനരുദ്ധരിച്ച കൊച്ചാര്‍ബ് ആശ്രമവും അദ്ദേഹം ഉദ്ഘാടനം ചെയ്‌തു. 1930 മാര്‍ച്ച് 12നാണ് സബര്‍മതിയില്‍ നിന്ന് ദണ്ഡികടപ്പുറത്തേക്ക് ഗാന്ധിജി മാര്‍ച്ച് നടത്തിയത്( heritage).
സബര്‍മതി ആശ്രമം ഇന്ത്യയുടെ മാത്രം പൈതൃകം അല്ലെന്നും മറിച്ച് മാനവരാശിയുടെ മുഴുവനുമാണെന്നും അദ്ദേഹം ചൂണ്ടിക്കാട്ടി. ഈ ആശ്രമം നമ്മുടെ സ്വാതന്ത്ര്യപ്രക്ഷോഭത്തിന്‍റെ പുണ്യഭൂമി മാത്രമല്ല മറിച്ച് വികസിത ഭാരതത്തിന്‍റെ പുണ്യഭൂമിയാണെന്നും മോദി കൂട്ടിച്ചേര്‍ത്തു( PM Modi).