ചണ്ഡീഗഡ്:ഹരിയാനയിൽ നിന്നുളള ഹിസാർ ബിജെപി എംപി ബ്രിജേന്ദ്ര സിങ് കോണ്‍ഗ്രസിൽ ചേർന്നു. കോണ്‍ഗ്രസ് അധ്യക്ഷൻ മല്ലികാർജുൻ ഖാർഗെയുടെ സാന്നിധ്യത്തിലാണ് പാർട്ടി അംഗത്വം സ്വീകരിച്ചത്. രാഷ്‌ട്രീയ കാരണങ്ങൾ ചൂണ്ടിക്കാട്ടിയാണ് ഇന്ന് രാവിലെ ബിജെപിയിൽ നിന്നും രാജിവച്ചതെന്ന് അദ്ദേഹം എക്‌സിലൂടെ അറിയിച്ചു (Haryana BJP MP Brijendra Singh Join Congress).
നിർബന്ധിത രാഷ്‌ട്രീയ കാരണങ്ങളാൽ താൻ ബിജെപിയുടെ പ്രാഥമിക അംഗത്വത്തിൽ നിന്ന് രാജിവച്ചു. ഹിസാറിലെ പാർലമെന്‍റ്‌ അംഗമായി പ്രവർത്തിക്കാൻ തനിക്ക് അവസരം തന്ന പാർട്ടിയോടും ദേശീയ അധ്യക്ഷൻ ജെ.പി നദ്ദയോടും പ്രധാനമന്ത്രി നരേന്ദ്ര മോദിയോടും അമിത് ഷായോടും താൻ നന്ദി പറയുന്നുവെന്നും അദ്ദേഹം എക്‌സിൽ കുറിച്ചു.