പട്‌ന:ബിഹാര്‍ മുഖ്യമന്ത്രിയുടെ ഓഫിസിന് നേരെ ഉണ്ടായ ബോംബ് ആക്രമണ ഭീഷണിയില്‍ പൊലീസ് കേസെടുത്തു. ജൂലൈ 16ന് ഇമെയിൽ വഴിയാണ് ഭീഷണി ലഭിച്ചത്. അൽ-ഖ്വയ്‌ദയുമായി ബന്ധമുളള അജ്ഞാത അക്കൗണ്ടിൽ നിന്നാണ് ഇമെയിൽ വന്നത്.
ബിഹാറിലെ പ്രത്യേക പൊലീസിന് പോലും ആക്രമണം തടയാന്‍ കഴിയില്ല എന്ന് ഭീഷണിയില്‍ പറയുന്നുണ്ട്. തുടര്‍ന്ന് ഓഗസ്റ്റ് 2ന് സ്റ്റേഷൻ ഹൗസ് ഓഫിസർ സഞ്ജീവ് കുമാറിന്‍റെ മൊഴിയുടെ അടിസ്ഥാനത്തിൽ സചിവാലയ പൊലീസ് എഫ്ഐആർ രജിസ്റ്റര്‍ ചെയ്യുകയായിരുന്നു.