ന്യൂഡല്‍ഹി: രാജ്യത്തെ മുഴുവന്‍ ജനങ്ങള്‍ക്കും പുതുവത്സരാശംസകള്‍ നേര്‍ന്ന് ലോക്‌സഭ സ്‌പീക്കര്‍ ഓം ബിര്‍ല. സമാധാനവും ഐശ്വര്യവും വ്യക്തിപരമായ വളര്‍ച്ചയും കൊണ്ടുവരുന്ന ഒരു വര്‍ഷമാകട്ടെ എല്ലാവര്‍ക്കും 2025എന്ന് അദ്ദേഹം പറഞ്ഞു. പുതുവര്‍ഷം എല്ലാവര്‍ക്കും സന്തോഷവും സമാധാനവും പ്രദാനം ചെയ്യുമെന്ന പ്രതീക്ഷയും അദ്ദേഹം പങ്കുവച്ചു. എല്ലാവരുടെയും പ്രതിജ്ഞകള്‍ നിറവേറ്റാനാകട്ടെയെന്നും അദ്ദേഹം പുറത്തിറക്കിയ വാര്‍ത്താക്കുറിപ്പില്‍ പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ഭരണഘടനാ ദിനത്തിന്‍റെ പ്രാധാന്യവും അദ്ദേഹം വാര്‍ത്താക്കുറിപ്പില്‍ ചൂണ്ടിക്കാട്ടി. വര്‍ഷം തോറും ഭരണഘടനാ ദിനം രാജ്യമെമ്പാടും ആഘോഷിക്കുന്നു. ഇന്ത്യന്‍ ഭരണഘടനയെ ആഴത്തില്‍ മനസിലാക്കുമെന്നൊരു പ്രതിജ്ഞ എല്ലാ പൗരന്മാരും കൈക്കൊള്ളണമെന്നും അദ്ദേഹം നിര്‍ദ്ദേശിച്ചു. ഇതിലെ ആശയങ്ങള്‍ക്കും മൂല്യങ്ങള്‍ക്കും കൂടുതല്‍ പ്രാധാന്യം നല്‍കേണ്ടതിനെക്കുറിച്ചും അദ്ദേഹം ഊന്നിപ്പറഞ്ഞു.
രാജ്യത്തിന്‍റെ പുരോഗതിക്ക് മാര്‍ഗദീപമെന്ന നിലയില്‍ ഭരണഘടന വഹിക്കുന്ന പങ്കിനെക്കുറിച്ചും അദ്ദേഹം ചൂണ്ടിക്കാട്ടി. പുതുവര്‍ഷത്തില്‍ രാജ്യത്തിന്‍റെ മുന്നേറ്റങ്ങളെക്കുറിച്ചും അദ്ദേഹം ചൂണ്ടിക്കാട്ടി. ദേശീയ പുരോഗതിക്ക് വേണ്ടിയുള്ള വലിയ ലക്ഷ്യങ്ങളിലേക്കാകണം പുതുവര്‍ഷ പ്രതിജ്ഞകളെന്നും അദ്ദേഹം രാജ്യത്തെ പൗരന്മാരോട് ആഹ്വാനം ചെയ്‌തു.
ഓരോരുത്തരുടെയും പുരോഗതിക്ക് വേണ്ടി ചെയ്യുന്ന കാര്യങ്ങള്‍ ആത്യാന്തികമായി രാജ്യത്തിന്‍റെ പുരോഗതിക്ക് വേണ്ടിയാകണം. മുന്‍കാലങ്ങളിലെ പ്രതിജ്ഞകള്‍ പാലിക്കാന്‍ ബാക്കിയുണ്ടെങ്കില്‍ വിഷമിക്കേണ്ട പുതിയ കാര്യങ്ങളിലേക്ക് കടക്കുക. ശുഭാപ്‌തി വിശ്വാസത്തോടെയും പുതിയ തീരുമാനങ്ങളോടും മുന്നോട്ട് പോകുക. വിജയകരവും പൂര്‍ണമായും സാക്ഷാത്ക്കാരവുമായ ഒരു വര്‍ഷമാകട്ടെയെന്നും അദ്ദേഹം ആശംസിച്ചു.
