വിരുദുനഗര്‍ ക്വാറിയില്‍ സ്ഫോടനം, നാല് മരണം
വിരുദുനഗര്‍ :തമിഴ്‌നാട്ടിലെ വിരുദുനഗറില്‍ ക്വാറിയിലുണ്ടായ പൊട്ടിത്തെറിയില്‍ നാല് മരണം. വിരുദുനഗര്‍ ജില്ലയിലെ കരിയപാട്ടിയിലാണ് ദുരന്തമുണ്ടായത്. അവിയൂര്‍ -കീലൗപാലികുണ്ട് റോഡില്‍ പ്രവര്‍ത്തിക്കുന്ന സ്വകാര്യ ക്വാറിയിലാണ് അപകടമുണ്ടായത്. പാറയില്‍ നിന്ന് ഗ്രാവലും എം സാന്‍ഡും മറ്റും ഉത്പാദിപ്പിക്കുന്ന കേന്ദ്രമാണിത്.
പാറ തകര്‍ക്കുന്നതിനായി ഉപയോഗിക്കുന്ന സ്ഫോടക വസ്‌തുക്കള്‍ പൊട്ടിത്തെറിച്ചാണ് അപകടമുണ്ടായത്. സ്ഫോടക വസ്‌തുക്കള്‍ വാഹനത്തില്‍ നിന്ന് ഇറക്കുന്നതിനിടെയാണ് അപകടം ഉണ്ടായതെന്നാണ് പ്രാഥമിക വിവരം.