ന്യൂഡൽഹി :നരേല മേഖലയിൽ 10 വയസുകാരിയുടെ മൃതദേഹം തല തകർത്ത നിലയിൽ കണ്ടെത്തി. പെണ്‍കുട്ടിയെ കൂട്ട ബലാത്സംഗത്തിനിരയാക്കിയ ശേഷം കൊലപ്പെടുത്തിയതാണ് എന്നാണ് പൊലീസിന്‍റെ നിഗമനം. സംഭവത്തില്‍ അയല്‍വാസികളായ രാഹുൽ (20), ദേവദത്ത് (30) എന്നിവരെ കസ്റ്റഡിയിലെടുത്ത് ചോദ്യം ചെയ്‌തുവരികയാണ്.
റബ്ബർ സിലിണ്ടർ ട്യൂബ് നിർമ്മാണ ഫാക്‌ടറിയിൽ ജോലി ചെയ്യുന്ന രാഹുലും നരേലയിലെ ഒരു കുട ഫാക്‌ടറിയിൽ ജോലി ചെയ്യുന്ന ദേവദത്തും ഒരേ പ്രദേശത്തെ താമസക്കാരാണ്. ഇന്ന്(28-06-2024) പുലര്‍ച്ചെ 12:29-ന് ആണ് നരേല പൊലീസ് സ്‌റ്റേഷനിൽ പെൺകുട്ടിയെ കാണാതായതായി റിപ്പോർട്ട് ചെയ്‌തത്. ഇതിന് പിന്നാലെയാണ് പെൺകുട്ടിയുടെ ചേതനയറ്റ ശരീരം സമീപത്തെ പ്ലോട്ടിൽ നിന്ന് കണ്ടെത്തിയത്.