ഹൈദരാബാദ്: ബൈക്ക് പ്രേമികൾക്ക് പ്രിയപ്പെട്ട വാഹനമാണ് തദ്ദേശീയ മോട്ടോർസൈക്കിൾ നിർമാതാക്കളായ ബജാജ് ഓട്ടോയുടെ പൾസർ. കമ്പനി തങ്ങളുടെ എൻ സീരീസിൽ പുതിയ ബജാജ് പൾസർ 125 അവതരിപ്പിക്കാനൊരുങ്ങുകയാണ് ഇപ്പോൾ. ബജാജ് പൾസർ N125 ഒക്ടോബർ 16ന് പുറത്തിറങ്ങുമെന്നാണ് റിപ്പോർട്ടുകൾ പുറത്തുവരുന്നത്.
ബജാജ് ഓട്ടോയെ സംബന്ധിച്ചിടത്തോളം ഒരു പ്രധാന ലോഞ്ച് ആയിരിക്കും ഇത്. ബജാജ് ഓട്ടോ അതിൻ്റെ ലൈനപ്പിലെ എല്ലാ ബൈക്കുകൾക്കും നേക്കഡ് എൻ ബോഡി സ്റ്റൈൽ നൽകിയിട്ടുണ്ട്. എന്നാൽ 125 സിസി ബൈക്ക് മാത്രമായിരുന്നു ബേസിക് എൻഎസ് സീരീസിൽ വിൽക്കുന്നത്. എന്നാൽ അടുത്തു തന്നെ 125 സിസിയിലും എൻ സീരീസിൽ പൾസർ 125 അവതരിപ്പിക്കാൻ പോകുകയാണ് ബജാജ്.
ജനപ്രിയ ന്യൂ ജനറേഷൻ 125 മോട്ടോർ സൈക്കിളുകളായ ടിവിഎസ് റൈഡർ, ഹീറോ എക്‌സ്ട്രീം തുടങ്ങിയവയുമായി ആയിരിക്കും പുതിയ ബജാജ് പൾസർ 125 വിപണിയിൽ മത്സരിക്കുക. അതിനാൽ തന്നെ പുതിയ ബൈക്കിൻ്റെ രൂപകൽപ്പന വലിയ പൾസർ N150, N160, N250 എന്നിവയ്ക്ക് സമാനമാകുമെന്ന് പ്രതീക്ഷിക്കുന്നു.