ಯೂಟ್ಯೂಬ್​ನಂತೆ ದೀರ್ಘ ರೂಪದ ವಿಡಿಯೋ ಸ್ಟ್ರೀಮಿಂಗ್​ ಸೇವೆ ಪ್ರಾರಂಭಿಸುತ್ತಿರುವ ಎಕ್ಸ್​

ದೀರ್ಘ ರೂಪದ ವಿಡಿಯೋ ಸ್ಟ್ರೀಮಿಂಗ್​ ಸೇವೆ ಪ್ರಾರಂಭಿಸುತ್ತಿರುವ ಎಕ್ಸ್​ ನೇರವಾಗಿ ಯೂಟ್ಯೂಬ್​ ಜೊತೆಗೆ ಸ್ಪರ್ಧಿಸಲು ಅಣಿಯಾಗಿದೆ.

ಹೈದರಾಬಾದ್​: ಗೂಗಲ್​ ಮಾಲೀಕತ್ವದ ಯೂಟ್ಯೂಬ್​​ನಂತೆ ಸಾಮಾಜಿಕ ಜಾಲತಾಣ ಎಕ್ಸ್ (ಈ ಹಿಂದಿನ ಟ್ವಿಟರ್​)​ ಫ್ಲಾಟ್​ಫಾರ್ಮ್ ಶೀಘ್ರದಲ್ಲೇ ವಿಡಿಯೋ ಸ್ಟ್ರೀಮಿಂಗ್ ಸೇವೆ ಆರಂಭಿಸಲಿದೆ ಎಂದು ಎಲೋನ್​ ಮಸ್ಕ್​ ಶನಿವಾರ ಘೋಷಿಸಿದ್ದಾರೆ.

ಎಕ್ಸ್​ ಅನ್ನು 'ಎವ್ರಿಥಿಂಗ್​ ಆ್ಯಪ್​' ಆಗಿ ಪರಿವರ್ತಿಸುವ ಪ್ರಯತ್ನದಲ್ಲಿ ಎಲೋನ್​ ಮಸ್ಕ್​, ನೇರವಾಗಿ ಯೂಟ್ಯೂಬ್​ ಜೊತೆಗೆ ಸ್ಪರ್ಧೆಗೆ ಇಳಿಯುತ್ತಿದ್ದಾರೆ. ಇದರಿಂದ ಬಳಕೆದಾರರು ತಮ್ಮ ಸ್ಮಾರ್ಟ್​ ಟಿವಿ ಪರದೆಗಳಲ್ಲಿ ದೀರ್ಘವಾದ ವಿಡಿಯೋಗಳನ್ನು ವೀಕ್ಷಿಸಲು ಸಾಧ್ಯವಾಗುತ್ತದೆ. ಎಕ್ಸ್​ ಸಂಸ್ಥೆಯು ಅಮೆಜಾನ್​ ಹಾಗೂ ಸ್ಯಾಮ್​ಸಂಗ್​ ಸ್ಮಾರ್ಟ್​ ಟಿವಿಗಳಿಗಾಗಿ ಅಪ್ಲಿಕೇಶನ್​ ಅನ್ನು ಪ್ರಾರಂಭಿಸುತ್ತಿದೆ. ಡಾಗ್​ ಡಿಸೈನರ್​ ಎಂಬ ಹೆಸರಿನ ಬಳಕೆದಾರರು ಎಕ್ಸ್​ನಲ್ಲಿ ಹಾಕಿದ ಪೋಸ್ಟ್​ಗೆ ಉತ್ತರಿಸಿರುವ ಎಲೋನ್ ಮಸ್ಕ್, ವಿಡಿಯೋ ಸ್ಟ್ರೀಮಿಂಗ್​ ಸೇವೆ 'ಶೀಘ್ರದಲ್ಲೇ ಬರಲಿದೆ' ಎಂದು ಉತ್ತರಿಸಿದ್ದಾರೆ. ಬಳಕೆದಾರರು, "ನೀವು ಶೀಘ್ರದಲ್ಲೇ ನಿಮ್ಮ ಮೆಚ್ಚಿನ ಎಕ್ಸ್​ನ​ ದೀರ್ಘವಾದ ವಿಡಿಯೋಗಳನ್ನು ನೇರವಾಗಿ ನಿಮ್ಮ ಸ್ಮಾರ್ಟ್​ ಟಿವಿಗಳಲ್ಲಿ ವೀಕ್ಷಿಸಬಹುದು" ಎಂದು ಬರೆದಿದ್ದಾರೆ.

"ಜನರು ತಮ್ಮ ದೊಡ್ಡ ಪರದೆಯ ಟಿವಿಗಳಲ್ಲಿ ದೀರ್ಘವಾದ ವಿಡಿಯೋಗಳನ್ನು ಆರಾಮವಾಗಿ ವೀಕ್ಷಿಸಲು ಸಾಧ್ಯವಾಗಬೇಕು ಎಂದು ಬಯಸುತ್ತೇವೆ. ಈಗಾಗಲೇ ಜನರು ನಿಮ್ಮ ಫೋನ್​ನಿಂದ ನಿಮ್ಮ ಟಿವಿಯಲ್ಲಿ ವಿಡಿಯೋಗಳನ್ನು ಪ್ಲೇ ಮಾಡಲು Apple AirPlay ಅನ್ನು ಬಳಸಬಹುದು" ಎಂದು ಮಸ್ಕ್​ ಎಕ್ಸ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ.

ವಿಡಿಯೋ ಫ್ಲಾಟ್​ಫಾರ್ಮ್​ ಆಗಿ ತನ್ನನ್ನು ಮರು ರೂಪಿಸಿಕೊಳ್ಳಲು ಹೊರಟಿರುವ ಎಕ್ಸ್​ನ ನಡೆ ಸಾಮಾಜಿಕ ಮಾಧ್ಯಮ ಬಳಕೆದಾರರಲ್ಲಿ ಅದರಲ್ಲೂ, ಡೊಮೇನ್​ನಲ್ಲಿರುವ ಅತೀ ದೊಡ್ಡ ಪ್ರತಿ ಸ್ಪರ್ಧಿಯನ್ನು ಎಕ್ಸ್​ ಹೇಗೆ ಎದುರಿಸುತ್ತದೆ ಎಂಬುದರ ಕುರಿತು ಧ್ವನಿ ಎತ್ತಿರುವ ಮಸ್ಕ್​ನ ಫಾಲೋವರ್ಸ್​ಗಳಲ್ಲಿ ಬಝ್​ ಸೃಷ್ಟಿಸಿದೆ. ಕೆಲವು ಮಸ್ಕ್​ ಅಭಿಮಾನಿಗಳಂತೂ ಈ ಸೇವೆಯಿಂದ ಎಕ್ಸ್​ ಟೆಕ್​ ದೈತ್ಯ ಯೂಟ್ಯೂಬ್​ ಅನ್ನು ಹಿಂದಿಕ್ಕಲಿದೆ ಎಂದು ಕಮೆಂಟ್​ ಮಾಡಿದ್ದಾರೆ.

ಒಬ್ಬ ಬಳಕೆದಾರರು, "ಎಕ್ಸ್​ ನೇರವಾಗಿ ಯೂಟ್ಯೂಬ್​ನೊಂದಿಗೆ ಸ್ಪರ್ಧಿಸುತ್ತಿರುವುದನ್ನು ನೋಡಲು ಸಂತೋಷವಾಗಿದೆ. ಎಕ್ಸ್​ನ ಅತಿ ದೊಡ್ಡ ಮಾರಾಟದ ಅಂಶ ಎಂದರೆ ಅದು ಹೆಚ್ಚಿನ ಮಟ್ಟದ ವಾಕ್​ ಸ್ವಾತಂತ್ರ್ಯ ಹೊಂದಿರುವ ಪ್ರಮುಖ ಸಾಮಾಜಿಕ ಮಾಧ್ಯಮ ವೇದಿಕೆಯಾಗಿದೆ. ಜನ ಸೆನ್ಸಾರ್​ಶಿಪ್​ ಅನ್ನು ಸಂಪೂರ್ಣವಾಗಿ ದ್ವೇಷಿಸುತ್ತಾರೆ. ವಾಕ್​ ಸ್ವಾತಂತ್ರ್ಯ ಮಾನವ ಹಕ್ಕು" ಎಂದು ಬರೆದಿದ್ದಾರೆ.

ಇನ್ನೊಂದು ಪೋಸ್ಟ್​ನಲ್ಲಿ, "ಈ ಅಪ್ಲಿಕೇಶನ್​ ಅನ್ನು ಒಮ್ಮೆ ಆಳಿದ ಹಾಗೂ ಅದನ್ನು ಗ್ರೌಂಡ್​ನಲ್ಲಿ ಓಡಿಸುತ್ತಿದ್ದ ದಬ್ಬಾಳಿಕೆ ಲಿಬ್​ಗಳಿಂದ ದೂರವಿಟ್ಟಾಗಿನಿಂದ ಈ ಅಪ್ಲಿಕೇಶನ್​ ಎಷ್ಟು ದೂರ ಬಂದಿದೆ ಎಂದು ನಂಬುವುದು ಕಷ್ಟ. ಎಕ್ಸ್​ನ ಈ ಕ್ರಮವು ಅದರ ವೇದಿಕೆ ವೈವಿಧ್ಯಗೊಳಿಸುವ ಮತ್ತು ನಿರಂತರವಾಗಿ ವಿಕಸನಗೊಳಿಸುತ್ತಿರುವ ಡಿಜಿಟಲ್​ ವಿಷಯದ ವ್ಯಾಪ್ತಿಯಲ್ಲಿ ಸ್ಪರ್ಧಿಸುವ ನಿಟ್ಟಿನಲ್ಲಿ ಇಟ್ಟಿರುವ ಕಾರ್ಯತಂತ್ರದ ಹೆಜ್ಜೆ" ಎಂದು ಮಸ್ಕ್​ ಅನುಯಾಯಿ ಬರೆದಿದ್ದಾರೆ.

ಇತ್ತೀಚೆಗೆ ಎಕ್ಸ್​, ಸಾಮಾಜಿಕ ಮಾಧ್ಯಮ ವೇದಿಕೆಯಲ್ಲಿ ದೀರ್ಘರೂಪದ ಲಿಖಿತ ವಿಷಯ ಹಂಚಿಕೊಳ್ಳಲು ಆರ್ಟಿಕಲ್ಸ್​ ಸೇವೆ ಪರಿಚಯಿಸಿತು. ಈಗ ದೀರ್ಘ ರೂಪದ ಬರವಣಿಗೆ, ಸ್ಮಾರ್ಟ್​ ಟಿವಿಯಲ್ಲಿ ದೀರ್ಘವಾದ ವಿಡಿಯೋ ನೋಡುವ ಸೇವೆಯ ಜೊತೆಗೆ, ಸಾಮಾಜಿಕ ಮಾಧ್ಯಮ ನೆಟ್​ವರ್ಕ್​ ವಿಡಿಯೋ ಗೇಮ್​ಗಳು ಹಾಗೂ ಪಾಡ್​ಕಾಸ್ಟ್​ಗಳನ್ನು ಪ್ರಾರಂಭಿಸುವ ಕುರಿತು ಅನ್ವೇಷಣೆ ನಡೆಸುತ್ತಿದೆ.

ಇದನ್ನೂ ಓದಿ:ಎಲಾನ್ ಮಸ್ಕ್ ಸಂಸ್ಥೆಯಲ್ಲಿ ಸಂಪೂರ್ಣ ನಿಯಂತ್ರಣ ಬಯಸಿದ್ದರು: ಓಪನ್​ ಎಐ